തിരുവനന്തപുരം: കേരളത്തിലെ കോണ്ഗ്രസ് ഭരണത്തുടര്ച്ചയില് ആര് നയിക്കണമെന്ന കാര്യത്തില് അന്തിമ തീരുമാനമെടുക്കാന് ഹൈക്കമാന്ഡ് ഇടപെടല് ശക്തമാക്കി. വി.ഡി സതീശനെയും രമേശ് ചെന്നിത്തലയെയും ഹൈക്കമാന്ഡ് അടിയന്തരമായി ഡല്ഹിയിലേക്ക് വിളിപ്പിച്ചു. ദീപാ ദാസ് മുന്ഷി മുഖേനയാണ് നിര്ദേശം എത്തിയത്.
അതേസമയം, എംഎല്എമാരുടെ പിന്തുണ സംബന്ധിച്ച രഹസ്യരേഖകള് പുറത്തായത് പാര്ട്ടിയില് വലിയ ചര്ച്ചകള്ക്ക് വഴിവെച്ചു. എഐസിസി നിരീക്ഷകരുടെ പക്കലുണ്ടായിരുന്ന രേഖകളുടെ ചിത്രം പുറത്തുവിട്ടുകൊണ്ട് 'ന്യൂ ഇന്ത്യന് എക്സ്പ്രസ്' ആണ് രാഷ്ട്രീയ കേരളത്തെ ഞെട്ടിച്ചത്. 63 എംഎല്എമാരില് 47 പേരും കെ.സി വേണുഗോപാലിനെയാണ് പിന്തുണയ്ക്കുന്നതെന്നാണ് റിപ്പോര്ട്ടുകള്. കെപിസിസി അധ്യക്ഷന് സണ്ണി ജോസഫ്, ടി. സിദ്ദിഖ്, സന്ദീപ് വാര്യര് എന്നിവര് കെ.സിക്ക് അനുകൂലമായ നിലപാടാണ് സ്വീകരിച്ചതെന്നാണ് പുറത്തുവന്ന രേഖകള് സൂചിപ്പിക്കുന്നത്. എന്നാല് ഈ ചിത്രങ്ങളുടെ ആധികാരികത ചോദ്യം ചെയ്ത സണ്ണി ജോസഫ്, തീരുമാനം ഹൈക്കമാന്ഡിന് വിട്ടുവെന്നാണ് വ്യക്തമാക്കുന്നത്. ഡല്ഹിയിലെ ചര്ച്ചകള്ക്ക് ശേഷം മുഖ്യമന്ത്രിയുടെ കാര്യത്തില് ഉടന് പ്രഖ്യാപനമുണ്ടാകും.
Related News
