അല്-ഖോബാര്: കേരള നിയമസഭാ തിരഞ്ഞെടുപ്പില് യു.ഡി.എഫ്. കൈവരിച്ച ഉജ്ജ്വല വിജയം ഒ.ഐ.സി.സി. അല്-ഖോബാര് ഏരിയ കമ്മിറ്റി ആഘോഷിച്ചു. കൃത്യമായ ഗൃഹപാഠത്തോടും കെട്ടുറപ്പോടും ചിട്ടയായ പ്രവര്ത്തനത്തോടും കൂടി നടത്തിയ തിരഞ്ഞെടുപ്പ് പ്രവര്ത്തനങ്ങള് യു.ഡി.എഫിനെ സമീപകാലത്തെ ഏറ്റവും വലിയ ഭൂരിപക്ഷത്തിലേക്ക് എത്തിച്ചതായി ഗള്ഫ് ദര്ബാര് റെസ്റ്റോറന്റില് ചേര്ന്ന യോഗം വിലയിരുത്തി. കേരളത്തില് നിലനിന്നിരുന്ന രാഷ്ട്രീയ അടിമത്തവും ഇടതുപക്ഷത്തിന്റെ ദാര്ഷ്ട്യവും അഹങ്കാരവുമാണ് തിരഞ്ഞെടുപ്പില് കേരള ജനത പിഴുതെറിഞ്ഞതെന്ന് ചര്ച്ചയില് പങ്കെടുത്തവര് അഭിപ്രായപ്പെട്ടു.
ഖോബാര് കമ്മിറ്റി പ്രസിഡന്റ് എ.കെ. സജൂബ് അധ്യക്ഷത വഹിച്ച യോഗം ഒ.ഐ.സി.സി. ഈസ്റ്റേണ് പ്രൊവിന്സ് കമ്മിറ്റി ആക്ടിംഗ് പ്രസിഡന്റ് നൗഷാദ് താഴവ ഉദ്ഘാടനം ചെയ്തു. കേക്ക് മുറിച്ച് വിജയാഘോഷത്തിന് മാറ്റുകൂട്ടി.
ഒ.ഐ.സി.സി. ഗ്ലോബല് കമ്മിറ്റി പ്രതിനിധി ജോണ് കോശി, പ്രൊവിന്സ് കമ്മിറ്റി വൈസ് പ്രസിഡന്റ് ഷംസ് കൊല്ലം, ജനറല് സെക്രട്ടറി സക്കീര് പറമ്പില്, ഖോബര് കമ്മിറ്റി ഭാരവാഹികളായ റെജീബ് നെടുമങ്ങാട്, സാജിദ് പാറമ്മല് (വൈസ് പ്രസിഡന്റുമാര്), ഷിബിന് ആറ്റുവ (സെക്രട്ടറി), സീനിയര് അംഗം അബ്ദുല് സലാം എന്നിവര് പ്രസംഗിച്ചു. കോയ സുബൈര്, പി. സക്കീര്, കബീര്, ഷബീര്, ജാഫറലി, റമീഷ് റഷീദ് എന്നിവര് പരിപാടികള്ക്ക് നേതൃത്വം നല്കി. സംഘടനാ ചുമതലയുള്ള ജനറല് സെക്രട്ടറി സുബൈര് പാറക്കല് സ്വാഗതവും ട്രഷറര് ഷൈന് കരുനാഗപ്പള്ളി നന്ദിയും പറഞ്ഞു.
Related News
