കൊച്ചി: സംസ്ഥാനത്ത് ഇനി ബൈ ഇലക്ഷന് നടത്തേണ്ട സാഹചര്യം സംജാതമായാല് അത് കോണ്ഗ്രസ് ഒറ്റക്ക് നേരിടേണ്ടിവരുമെന്ന് മുസ്ലിംലീഗ് നേതാവ് പി. കെ കുഞ്ഞാലിക്കുട്ടി. കേരളത്തില് മുഖ്യമന്ത്രിയെ തീരുമാനിക്കാന് അഭിപ്രായ ശേഖരണത്തിനെത്തിയ കോണ്ഗ്രസ് ഹൈക്കമാന്ഡ് പ്രതിനിധികളോടാണ് കുഞ്ഞാലിക്കുട്ടി ആര്ജവത്തോടെയുള്ള അഭിപ്രായം തുറന്ന് പറഞ്ഞതെന്ന് അദ്ദേഹവുമായി അടുപ്പമുള്ള കേന്ദ്രങ്ങളില് നിന്ന് അറിയാന് കഴിഞ്ഞു.
കോണ്ഗ്രസ് സംഘടനാ നേതാവിനെ തെരഞ്ഞെടുന്നിടത്ത് ഘടകകക്ഷികള്ക്ക് കാര്യമില്ല, അതേസമയം യുഡിഫിന്റെ മുഖ്യമന്ത്രി ആരാവണമെന്ന് അഭിപ്രായം പറയാനുള്ള അവകാശം ഘടകകക്ഷികള്ക്കുണ്ടെന്ന് മാത്യു കുഴല്നാടന്റെ പ്രസ്താവനയെ പരാമര്ശിച്ചു കുഞ്ഞാലികുട്ടി പറഞ്ഞതായാണ് വിവരം. ആ അഭിപ്രായം കേന്ദ്രസംഘം മുമ്പാകെ കുഞ്ഞാലികുട്ടി തുറന്നു പറഞ്ഞുവെന്നാണ് അദ്ദേഹത്തോട് അടുത്ത വൃത്തങ്ങള് സൂചിപ്പിക്കുന്നത്.
സീറ്റ് ലഭ്യമാക്കിയ നേതാവിനോട് എംഎല്എമാര്ക്ക് വിധേയത്വം ഉണ്ടാവുക സ്വാഭാവികമാണ്. പക്ഷെ അതല്ല ജനവികാരം. യുഡിഫിന് ജനം ഉജ്വലമായ വിജയം സമ്മാനിച്ചിരിക്കെ, ജനഹിതം മറികടന്ന് വീണ്ടും മുഖ്യമന്ത്രിക്ക് വേണ്ടി ഒരു ഉപ തെരഞ്ഞെടുപ്പ് നടത്തുകയെന്നത് ജനവികാരത്തോടുള്ള വെല്ലുവിളിയാണ്.
ഇങ്ങനെയൊരു വെല്ലുവിളിക്ക് നിന്ന് കൊടുക്കാന് ഘടകകക്ഷികളെ കിട്ടില്ലെന്ന് കേരള കോണ്ഗ്രസിനെക്കൂടി മുന്നില് കണ്ട് അദ്ദേഹം വ്യക്തമാക്കിയതായി പറയുന്നു
ഈ സാഹചര്യത്തില് നിലവില് എംഎല്എയല്ലാത്ത കെസി വേണുഗോപാലിന്റെ മുഖ്യമന്ത്രി മോഹം കരിനിഴലിലാകാനാണ് സാധ്യത. ഇനി അവശേഷിക്കുന്നത് വിഡി സതീശനും രമേശ് ചെന്നിത്തലയുമാണ്. തകര്ന്ന് തരിപ്പണമായയിടത്ത് നിന്ന് കോണ്ഗ്രസിനെ അധികാരത്തിലെത്തിച്ച സതീശനെ മാറ്റി നിര്ത്തിയാല് ജനവികാരം എതിരാവുമെന്നും ഈ വൃത്തങ്ങള് പറയുന്നു
ഉത്തരേന്ത്യന് മോഡല് കെട്ടിയിറക്കല് ശൈലി ഹൈക്കമാന്ഡ് കേരളത്തില് തുടരാന് സാധ്യതയില്ലെന്നാണ് ഒടുവില് ലഭിക്കുന്ന വിവരം. അങ്ങനെയായാല് വിഡി സതീശന് നറുക്ക് വീണേക്കും.
Related News
