മക്ക: വിശുദ്ധ ഭൂമിയിലെത്തിയ തീര്ത്ഥാടകര്ക്ക് സേവനങ്ങളുമായി ഐ.സി.എഫ്, ആര്.എസ്.സി വളണ്ടിയര്മാര് കര്മ്മരംഗത്ത് സജീവമായി. തിരക്ക് ഏറ്റവും കൂടുതല് അനുഭവപ്പെടുന്ന വെള്ളിയാഴ്ചകളില് രാവിലെ മുതല് വിവിധ ബസ് സ്റ്റേഷനുകളിലും ഹറം പരിസരത്തും ഏരിയ ക്യാപ്റ്റന്മാരുടെ നേതൃത്വത്തിലാണ് സേവനങ്ങള് ക്രമീകരിച്ചിരിക്കുന്നത്.
അജ്യാദ്, മഷ്കൂത്ത് ബസ് സ്റ്റേഷന്, അസീസിയ്യ, നസീം എന്നീ ഭാഗങ്ങളില് വളണ്ടിയര്മാര് സേവനനിരതരാണ്. തീര്ത്ഥാടകര്ക്ക് ദാഹജലം, പാദരക്ഷകള് എന്നിവ നല്കിയും വഴിതെറ്റിയ ഹാജിമാരെ ലക്ഷ്യസ്ഥാനത്തെത്തിക്കാന് വഴികാട്ടികളായും ഇവര് സജീവമായുണ്ട്. വെള്ളി ഒഴികെയുള്ള ദിവസങ്ങളില് പ്രത്യേക ഷിഫ്റ്റുകളിലായാണ് സേവനം ക്രമീകരിച്ചിരിക്കുന്നത്.
വെള്ളിയാഴ്ചയിലെ സേവന പ്രവര്ത്തനങ്ങള്ക്ക് വൈസ് ക്യാപ്റ്റന്മാരായ അബൂബക്കര് പുലാമന്തോള്, ഫഹദ് തൃശൂര്, ചെയര്മാന് ഹനീഫ് അമാനി, വൈസ് ചെയര്മാന് ജമാല് കക്കാട്, കോഡിനേറ്റര് ഇസ്ഹാഖ് ഖാദിസിയ്യ, മീഡിയ കോഡിനേറ്റര് ജുനൈദ് കൊണ്ടോട്ടി എന്നിവര് മേല്നോട്ടം വഹിച്ചു. ഏരിയ കോഡിനേറ്റര്മാരായ യൂസഫ് തിരൂര്, ഉസ്മാന് കാക്കിയ, കബീര് പറമ്പില്പീടിക എന്നിവര് പ്രവര്ത്തനങ്ങള് നിയന്ത്രിച്ചു.
ഏരിയ കോഡിനേറ്റര് നസീര് കൊടുവള്ളിയുടെ നേതൃത്വത്തില് ഹറം പരിസരത്ത് നടത്തിയ സംസം വിതരണം ഹാജിമാര്ക്ക് വലിയ ആശ്വാസമായി. അബൂബക്കര് ലത്തീഫി, അലി മുസ്ലിയാര് കാവനൂര്, നബീല് മലോറം, ഹാഫിള് അസ്ലം, മജീദ് അരിമ്പ്ര, മുഹമ്മദ് വട്ടോളി എന്നിവര് സംസം വിതരണത്തിന് നേതൃത്വം നല്കി. ജാഹ്ഫര് കരേക്കാട്, മുര്ഷിദ് നെല്ലിക്കപറമ്പ്, സൈഫുദ്ധീന് കുറ്റിപ്പുറം, ആബിദ് എടക്കര, ഹംസ താനൂര്, സമീര് മദനി, പി.വി. ബഷീര്, അഷ്ക്കര് വള്ളുവങ്ങാട്, അബ്ദുറഹ്മാന് പാപ്പാലി, ഫൈസല് കൊടുവള്ളി എന്നിവര് വിവിധ കേന്ദ്രങ്ങളില് സേവനങ്ങള്ക്ക് നേതൃത്വം നല്കി.
Related News
