മക്ക- ഹജ് സീസണിന് മുന്നോടിയായുള്ള ഒരുക്കങ്ങളുടെ ഭാഗമായി മിനായില് സിവില് ഡിഫന്സ് വിപുലമായ ഫീല്ഡ് പരിശീലന പ്രകടനങ്ങള് നടത്തി. വിവിധ സര്ക്കാര് വകുപ്പുകളുടെയും ബന്ധപ്പെട്ട അധികാരികളുടെയും പങ്കാളിത്തത്തോടെയാണ് അടിയന്തര സാഹചര്യങ്ങളെ നേരിടാനുള്ള സംയുക്ത പരിശീലനം സംഘടിപ്പിച്ചത്. തീര്ത്ഥാടകരുടെ സുരക്ഷ ഉറപ്പാക്കുന്നതിനും, ഹജ് വേളയില് ഉണ്ടാകാനിടയുള്ള ഏത് അടിയന്തര ഘട്ടങ്ങളിലും ഫീല്ഡ് തലത്തിലുള്ള ഏകോപനവും സന്നദ്ധതയും കൂടുതല് ശക്തമാക്കുന്നതിനും വേണ്ടിയായിരുന്നു മോക്ക് ഡ്രില്ലുകള്.
വ്യത്യസ്ത തരത്തിലുള്ള അപകട സാഹചര്യങ്ങളെ മുന്കൂട്ടി കണ്ടുള്ള നിരവധി സങ്കീര്ണ്ണമായ പ്ലാനുകളാണ് പരിശീലനത്തില് വിജയകരമായി പരീക്ഷിച്ചത്. ഇതിന്റെ ഭാഗമായി അടിയന്തര ഘട്ടങ്ങളില് ആളുകളെ സുരക്ഷിത സ്ഥാനങ്ങളിലേക്ക് മാറ്റുന്നതിനുള്ള താല്ക്കാലിക അഭയകേന്ദ്രങ്ങള് സജ്ജീകരിക്കല്, മെഡിക്കല് സഹായം ലഭ്യമാക്കല്, ഫീല്ഡ് സപ്പോര്ട്ട് പ്ലാനുകള് കാര്യക്ഷമമായി നടപ്പാക്കല് തുടങ്ങിയ പ്രായോഗിക പ്രവര്ത്തനങ്ങള് സേനാംഗങ്ങള് പരിശീലിച്ചു. ഏത് അടിയന്തര സാഹചര്യത്തെയും നേരിടാന് സുരക്ഷാ സേന പൂര്ണ്ണ സജ്ജമാണെന്ന് അധികൃതര് വ്യക്തമാക്കി.
Related News
