കളമശ്ശേരി ശിഹാബ് തങ്ങൾ ഡയാലിസിസ് സെന്ററിന് തബൂക്ക് കെ.എം.സി.സി. ധനസഹായം നൽകി

കളമശ്ശേരി: കൊച്ചി മെഡിക്കൽ കോളേജ് ആസ്ഥാനമാക്കി ആതുരസേവന രംഗത്ത് പ്രവർത്തിക്കുന്ന ശിഹാബ് തങ്ങൾ സെന്റർ ഫോർ ഹെൽത്ത് കെയർ ട്രസ്റ്റിന്, സൗദി കെ.എം.സി.സി. തബൂക്ക് സെൻട്രൽ കമ്മിറ്റി വാർഷിക റിലീഫ് ഫണ്ടിൽ നിന്നുമുള്ള ധനസഹായം കൈമാറി. ഹെൽത്ത് കെയർ ട്രസ്റ്റ് ചെയർമാനും നിയുക്ത കളമശ്ശേരി എം.എൽ.എ.യുമായ അഡ്വ. വി.ഇ. അബ്ദുൽ ഗഫൂർ തബൂക്ക് കെ.എം.സി.സി. പ്രതിനിധി മനക്കപ്പറമ്പിൽ താജുദ്ദീനിൽ നിന്നും ധനസഹായം ഏറ്റുവാങ്ങി.

ചടങ്ങിൽ സൗദി കെ.എം.സി.സി. കിഴക്കൻ പ്രവിശ്യാ മുൻ സെക്രട്ടറി സിറാജ് ആലുവ, ദുബായ് എറണാകുളം ജില്ലാ കെ.എം.സി.സി. മുൻ പ്രസിഡന്റ് അബ്ദുൽ ഷുക്കൂർ കരിപ്പായി, മുസ്ലീം ലീഗ് നേതാക്കളായ അലി കരിപ്പായി, കെ.യു. ത്വാഹ എന്നിവർ പങ്കെടുത്തു.

ഫോട്ടോ ക്യാപ്ഷൻ:
കളമശ്ശേരി: ശിഹാബ് തങ്ങൾ ഹെൽത്ത് കെയർ ഡയാലിസിസ് സെന്ററിനുള്ള തബൂക്ക് കെ.എം.സി.സി.യുടെ ധനസഹായം മനക്കപ്പറമ്പിൽ താജുദ്ദീൻ അഡ്വ. വി.ഇ. അബ്ദുൽ ഗഫൂറിന് കൈമാറുന്നു.