ജുബൈല്: ലോക രക്താതിസമ്മര്ദ്ദ ദിനത്തോടനുബന്ധിച്ച് വേള്ഡ് മലയാളി ഫെഡറേഷന് (ഡബ്ല്യു.എം.എഫ്) ജുബൈല് സ്റ്റേറ്റ് കൗണ്സിലിന്റെ ആഭിമുഖ്യത്തില് സിറ്റി ഫ്ലവര് ഹൈപ്പര്മാര്ക്കറ്റില് വെച്ച് സൗജന്യ കമ്മ്യൂണിറ്റി മെഡിക്കല് പരിശോധനാ ക്യാമ്പ് വിജയകരമായി സംഘടിപ്പിച്ചു. ഡബ്ല്യു.എം.എഫ് ജുബൈല് കൗണ്സില് പ്രസിഡന്റ് സോണിയ മോറിസിന്റെ നേരിട്ടുള്ള നേതൃത്വത്തിലും മാര്ഗ്ഗനിര്ദ്ദേശത്തിലുമാണ് ക്യാമ്പ് നടന്നത്. ചടങ്ങില് സോണിയ അധ്യക്ഷതയും വഹിച്ചു.
ഡബ്ല്യു.എം.എഫ് നേതൃത്വം, സിറ്റി ഫ്ലവര് ഹൈപ്പര്മാര്ക്കറ്റ് മാനേജ്മെന്റ്, ഷിഫ അല് ജുബൈല് മെഡിക്കല് സെന്റര് എന്നിവയുടെ സഹകരണത്തോടെയാണ് ക്യാമ്പ് ഒരുക്കിയത്. ഷിഫ മെഡിക്കല് സെന്ററില് നിന്നുള്ള മെഡിക്കല് ടീമിന് മാര്ക്കറ്റിംഗ് മാനേജര് വില്യം വര്ക്കി, ഡോ. സയീദ് അബ്ദുല് തവാബ്, മാലിനി ചക്രബാനി, നഴ്സ് വാഹിദ അക്തര് എന്നിവര് നേതൃത്വം നല്കി.
ക്യാമ്പില് പങ്കെടുത്ത ജുബൈലിലെ പ്രവാസികള്ക്കായി രക്തസമ്മര്ദ്ദ പരിശോധന, രക്തത്തിലെ പഞ്ചസാരയുടെ അളവ് പരിശോധന (ബ്ലഡ് ഷുഗര്), വിദഗ്ദ്ധ കണ്സള്ട്ടേഷന് എന്നിവ സൗജന്യമായി നല്കി. ഡബ്ല്യു.എം.എഫ് ജുബൈല് കൗണ്സില് അംഗങ്ങളായ സിന്റോ ജേക്കബ്, ഡി. അനില്കുമാര്, ശിഹാബുദ്ധീന്, സുഗു, നിസാം, ഹാരിസണ് എന്നിവര് ക്യാമ്പിന്റെ ഏകോപനം നിര്വ്വഹിച്ചു.
Related News
