ജിദ്ദ: മുൻ ഇന്ത്യൻ പ്രധാനമന്ത്രിയും ഭാരതത്തിന്റെ നവോത്ഥാന രാഷ്ട്രീയത്തിന് പുതിയ ദിശാബോധം നൽകിയ നേതാവുമായ രാജീവ് ഗാന്ധിയുടെ അനുസ്മരണാർത്ഥം ഒ.ഐ.സി.സി മലപ്പുറം ജില്ലാ കമ്മിറ്റി ജിദ്ദയുടെ നേതൃത്വത്തിൽ 35 മത്‌ അനുസ്മരണ പരിപാടി സംഘടിപ്പിച്ചു.
ഫൈസൽ മക്കരപ്പറമ്പ്‌ അദ്ദ്യക്ഷത വഹിച്ചു.
രാജീവ് ഗാന്ധിയുടെ ദീർഘവീക്ഷണവും രാജ്യത്തിന്റെ സാങ്കേതിക, വിദ്യാഭ്യാസ, ടെലികമ്മ്യൂണിക്കേഷൻ മേഖലകളിലെ പുരോഗതിക്ക് നൽകിയ സംഭാവനകളും അനുസ്മരിച്ചു.
ഇന്ത്യയെ ആധുനികതയിലേക്കും ഡിജിറ്റൽ യുഗത്തിലേക്കും നയിക്കുന്നതിൽ രാജീവ് ഗാന്ധി വഹിച്ച പങ്ക് വിലമതിക്കാനാവാത്തതാണെന്ന് അയ്യൂബ്‌ഖാൻ പന്തളം പറഞ്ഞു.
രാജീവ് ഗാന്ധി അനുസ്മരണ പരിപാടി ഉത്ഘാടനം ചെയ്ത്‌ സംസാരിക്കുകയായിരുന്നു അദ്ദേഹം.
രാജ്യത്തിന്റെ ഐക്യത്തിനും മതനിരപേക്ഷതയ്ക്കും ജനാധിപത്യ മൂല്യങ്ങളുടെ സംരക്ഷണത്തിനും വേണ്ടി പ്രവർത്തിച്ച രാജീവ് ഗാന്ധിയുടെ ആശയങ്ങൾ ഇന്നും പ്രസക്തമാണെന്ന് മുഖ്യ പ്രഭാഷണം നടത്തിയ നാസർ കോഴിത്തൊടി പറഞ്ഞു.
അദ്ദേഹത്തിന്റെ രക്തസാക്ഷിത്വ ദിനം പുതിയ തലമുറയ്ക്ക് ജനാധിപത്യത്തിന്റെയും ദേശീയ ഐക്യത്തിന്റെയും പ്രാധാന്യം ഓർമ്മപ്പെടുത്തുന്നതാണെന്നും നേതാക്കൾ പറഞ്ഞു.

ജില്ലാ കമ്മിറ്റി ഭാരവാഹികളുടെ നേതൃത്വത്തിൽ നടന്ന ചടങ്ങിൽ ഒരു മിനുട്ട്‌ മൗനപ്രാർത്ഥനയോടെ ആരംഭിച്ച പരിപാടിയിൽ
രാജീവ് ഗാന്ധിയുടെ ചിത്രത്തിന് മുൻപിൽ പുഷ്പാർച്ചന നടത്തി. വിവിധ ജില്ലാകമ്മിറ്റി ഭാരവാഹികളും പ്രവർത്തകരും പങ്കെടുത്ത പരിപാടിയിൽ അദ്ദേഹത്തിന്റെ ജീവിതവും രാഷ്ട്രീയ പ്രവർത്തനങ്ങളും അനുസ്മരിച്ച് പ്രഭാഷണങ്ങളും നടന്നു.
സി ടി പി ഇസ്മായിൽ, മുഹമ്മദ്‌ ഓമാനൂർ, ഷൗക്കത്ത്‌ പുഴക്കാട്ടിരി, സമീർ പാണ്ടിക്കാട് , ഉസ്മാൻ മേലാറ്റൂർ എന്നിവർ പ്രസംഗിച്ചു.
യു എം ഹുസ്സൈൻ മലപ്പുറം സ്വാഗതവും, അനസ്‌ നെടുവഞ്ചേരി നന്ദിയും പറഞ്ഞു