കൊച്ചി: അസം-മേഘാലയ കേഡറിലെ കമ്മീഷണര്-സെക്രട്ടറിയായ എം.എസ്. മണിവണ്ണന് ഐ.എ.എസ്. സ്പൈസസ് ബോര്ഡ് സെക്രട്ടറിയായി ചുമതലയേറ്റു. തമിഴ്നാട് സ്വദേശിയായ 54-കാരനായ ഇദ്ദേഹം ഫുള്ടൈം സെക്രട്ടറിയായാണ് ചുമതലയേല്ക്കുന്നത്. കഴിഞ്ഞ നാല് വര്ഷമായി താല്ക്കാലിക ചുമതലക്കാരായിരുന്നു സ്പൈസസ് ബോര്ഡ് സെക്രട്ടറി സ്ഥാനത്തുണ്ടായിരുന്നത്. തല്ഫലമായി, നാല് ഡയറക്ടര് തസ്തികകള് ഉള്പ്പെടെ കേന്ദ്ര വാണിജ്യ-വ്യവസായ മന്ത്രാലയം അനുവദിച്ച നൂറിലധികം തസ്തികകളിലെ നിയമനങ്ങളും പ്രമോഷനുകളും തടസ്സപ്പെട്ടിരുന്നു. ഈ സാഹചര്യത്തില്, സ്പൈസസ് ബോര്ഡ് ചെയര്പേഴ്സണ് അഡ്വ. സംഗീത വിശ്വനാഥന് കേന്ദ്രമന്ത്രി പീയൂഷ് ഗോയലിനെ നേരില് കണ്ട് വിഷയം അവതരിപ്പിക്കുകയും, തുടര്ന്ന് നടന്ന നടപടികളുടെ ഭാഗമായാണ് ഇപ്പോള് ഫുള്ടൈം സെക്രട്ടറി നിയമനം നടന്നിരിക്കുന്നത്.
അസമിന്റെ സമഗ്രപുരോഗതിക്കായി ആവിഷ്കരിച്ച 'സിത' (സ്റ്റേറ്റ് ഇന്നവേഷന് ആന്ഡ് ട്രാന്സ്ഫര്മേഷന് ആയോഗ് - SITA) പദ്ധതിയുടെ ചീഫ് എക്സിക്യൂട്ടീവ് ഓഫീസര് എന്ന നിലയില് മികച്ച പ്രവര്ത്തനങ്ങള് കാഴ്ചവെച്ച് അദ്ദേഹം ഏറെ പ്രശംസ പിടിച്ചുപറ്റിയിരുന്നു.
Related News
