മസ്ക്കത്ത്: ഒമാനിലെ പ്രധാന എണ്ണ ടെര്മിനലായ മിന അല് ഫഹലില് സ്ഫോടനത്തെ തുടര്ന്ന് എണ്ണ കയറ്റുമതി നിര്ത്തിവെച്ചു. ടെര്മിനലിലെ സിംഗിള്-ബോയ് മൂറിംഗ് (SBM) ബര്ത്തുകള്ക്ക് സമീപമാണ് സ്ഫോടനം ഉണ്ടായതെന്ന് ഇതുമായി ബന്ധപ്പെട്ട വൃത്തങ്ങള് അറിയിച്ചു.
ഡ്രോണ് ആക്രമണമാണ് സ്ഫോടനത്തിന് കാരണമെന്നാണ് പ്രാഥമിക നിഗമനം. SBM 1, SBM 2 എന്നീ ബര്ത്തുകള്ക്കിടയിലാണ് സ്ഫോടനം നടന്നത്. ആക്രമണം എപ്പോഴാണ് നടന്നതെന്ന കാര്യത്തില് വ്യക്തത വന്നിട്ടില്ല. അതേസമയം, വെള്ളിയാഴ്ച പുറത്തുവന്ന എല്.എസ്.ഇ.ജി ഷിപ്പിംഗ് ഡാറ്റ പ്രകാരം, നിരവധി സൂപ്പര് ടാങ്കറുകള് തുറമുഖത്തിന് സമീപം നങ്കൂരമിട്ടിരിക്കുന്നതായി കാണാം. ഔദ്യോഗിക സമയത്തിന് പുറത്തായതിനാല് ടെര്മിനല് അധികൃതരുടെ പ്രതികരണം ലഭ്യമായിട്ടില്ല.
ഇതിനിടെ, ഗള്ഫ് ഓഫ് ഒമാനില് വെച്ച് തങ്ങളുടെ അതിര്ത്തിയിലേക്ക് കടന്നുവന്ന യു.എസ് സൈനിക കപ്പലിനെ ഇറാന് ലക്ഷ്യമിട്ടതായി ബുധനാഴ്ച ഇറാനിയന് മാധ്യമങ്ങള് റിപ്പോര്ട്ട്.
Related News
