റിയാദ്: മദീന റീജിയന് ഡെവലപ്മെന്റ് അതോറിറ്റിയുമായി ചേര്ന്നുള്ള മദീനയിലെ പൊതുഗതാഗത പദ്ധതിയുടെ കരാര് സൗദി പബ്ലിക് ട്രാന്സ്പോര്ട്ട് കമ്പനിക്ക് ലഭിച്ചു. മൂല്യവര്ദ്ധിത നികുതി ഉള്പ്പെടെ 241.5 മില്യണ് സൗദി റിയാല് മൂല്യം വരുന്നതാണ് വന്കിട പദ്ധതിയെന്ന് കമ്പനി അധികൃതര് വ്യക്തമാക്കി. ഇതുസംബന്ധിച്ച ഔദ്യോഗിക അറിയിപ്പ് കമ്പനിക്ക് ലഭിച്ചുകഴിഞ്ഞു. ഞായറാഴ്ച സൗദി ഓഹരി വിപണിയായ 'തദാവുല്' വഴി പുറത്തുവിട്ട പ്രസ്താവനയിലാണ് കമ്പനി ഇക്കാര്യം അറിയിച്ചത്. മൂന്ന് വര്ഷത്തെ കാലാവധിയാണ് ഈ പ്രൊജക്റ്റിനുള്ളത്. ഈ കാലയളവില് മദീനയിലെ പൊതു ബസ് ഗതാഗത സംവിധാനത്തിന്റെ നടത്തിപ്പും പ്രവര്ത്തനങ്ങളുമാണ് സാപ്റ്റ്കോ നിര്വ്വഹിക്കുക.
ജൂണ് 4-നാണ് കരാര് തങ്ങള്ക്ക് അനുവദിച്ചതെന്ന് സാപ്റ്റ്കോ വ്യക്തമാക്കി. മദീന റീജിയന് ഡെവലപ്മെന്റ് അതോറിറ്റിയാണ് കരാറിലെ മറുകക്ഷി. ഈ പദ്ധതിയുമായി ബന്ധപ്പെട്ട് മറ്റ് താല്പര്യപ്പാര്ട്ടികളോ ഇടനിലക്കാരോ ഇല്ലെന്നും കമ്പനി പ്രസ്താവനയിലൂടെ കൂട്ടിച്ചേര്ത്തു.
Related News
