ജിദ്ദ: മലയാളികളെ ചിരിപ്പിക്കുകയും ചിന്തിപ്പിക്കുകയും ചെയ്ത ജനപ്രിയ കലാകാരന് സലിം കുമാറിന്റെ വിയോഗത്തില് ഒഐസിസി വെസ്റ്റേണ് റീജിയണല് കമ്മറ്റി അഗാധമായ അനുശോചനം രേഖപ്പെടുത്തി. കലാപരമായ കഴിവുകള്ക്കപ്പുറം ഉന്നതമായ രാഷ്ട്രീയ ബോധം പുലര്ത്തിയിരുന്ന വ്യക്തിത്വമായിരുന്നു അദ്ദേഹത്തിന്റേതെന്ന് അനുശോചനക്കുറിപ്പില് കമ്മറ്റി അഭിപ്രായപ്പെട്ടു.
അഭിമാനബോധത്തോടെ താനൊരു കോണ്ഗ്രസുകാരനാണെന്ന് പൊതുവേദികളില് ഉറക്കെപ്പറയാന് അദ്ദേഹം ഒരിക്കലും മടികാണിച്ചിട്ടില്ല. കഴിഞ്ഞ നിയമസഭാ തിരഞ്ഞെടുപ്പുകളില് കോണ്ഗ്രസ് സ്ഥാനാര്ത്ഥികള്ക്കായി കേരളത്തിലുടനീളം സജീവമായി പ്രചാരണത്തിനിറങ്ങാന് അദ്ദേഹം സമയം കണ്ടെത്തിയിരുന്നു. ഇടതുപക്ഷത്തിന്റെ തെറ്റായ നയങ്ങളെയും പ്രവര്ത്തനങ്ങളെയും നര്മ്മബോധത്തോടെ ജനങ്ങള്ക്ക് മുന്നില് തുറന്നുകാട്ടിയ അദ്ദേഹത്തിന്റെ ശൈലി കോണ്ഗ്രസിന്റെ പ്രചാരണ പ്രവര്ത്തനങ്ങള്ക്ക് വലിയ കരുത്താണ് പകര്ന്നിരുന്നത്.
താന് കടന്നുവന്ന വഴികള് മറക്കാതെ, സാധാരണക്കാരെ നെഞ്ചോട് ചേര്ത്തുപിടിച്ച നന്മനിറഞ്ഞ മനുഷ്യസ്നേഹിയായിരുന്നു അദ്ദേഹം. ദേശീയ അവാര്ഡ് ഉള്പ്പെടെ നിരവധി അംഗീകാരങ്ങള് സ്വന്തമാക്കിയ സലിം കുമാര് അനശ്വരമാക്കിയ കഥാപാത്രങ്ങള് മലയാളികളുടെ മനസ്സില് എന്നും മായാതെ നില്ക്കും. സലിം കുമാറിന്റെ വിടവാങ്ങല് കലാകേരളത്തിനും കോണ്ഗ്രസ് പാര്ട്ടിക്ക് തന്നെയും നികത്താനാവാത്ത നഷ്ടമാണെന്ന് ഒഐസിസി ജിദ്ദ റീജിയണല് കമ്മറ്റി അനുശോചന സന്ദേശത്തില് വ്യക്തമാക്കി.
Related News
