ജിദ്ദ: പാചകത്തില് കുടുംബനാഥന്മാര് ഒട്ടും പിന്നിലല്ലെന്ന് തെളിയിച്ചുകൊണ്ട് കേരള കലാസാഹിതി 'നളപാചകം' സംഘടിപ്പിച്ചു. പുരുഷന്മാരുടെ പാചകത്തിലുള്ള താല്പ്പര്യത്തെ പ്രോത്സാഹിപ്പിക്കുക എന്ന ലക്ഷ്യത്തോടെ, സംഘടനയിലെ പുരുഷ അംഗങ്ങളെ ഉള്പ്പെടുത്തി വിവിധയിനം വിഭവങ്ങള് പാചകം ചെയ്ത് പ്രദര്ശിപ്പിക്കാനുള്ള വേദിയൊരുക്കുകയായിരുന്നു.
ലുലു ഹൈപ്പര് മാര്ക്കറ്റ്, എസ്.എം.ജി ലോജിസ്റ്റിക്സ്, മക്ക ഹൈപ്പര് മാര്ക്കറ്റ്, വിജയ് മസാല എന്നിവയുടെ സഹകരണത്തോടെ ഹറാസാത്തിലായിരുന്നു പരിപാടി നടന്നത്. പങ്കെടുത്തവരെ ടീം എ, ബി, സി, ഡി, ഇ എന്നിങ്ങനെ അഞ്ച് ടീമുകളായി തിരിച്ച്, ഓരോ ടീമും വ്യത്യസ്ത വിഭവങ്ങള് തത്സമയം പാചകം ചെയ്ത് കമനീയമായി പ്രദര്ശിപ്പിച്ചു.
പങ്കെടുത്ത ടീമുകള്: ടീം എ: സാജന് നായര് (ക്യാപ്റ്റന്), ശിവാനന്ദന്, റസിന്, അസ്ലം, ബിജേഷ്, സുമീര്, അഭി, സിദ്ധാര്ഥ്, ജംനിഷ്. ടീം ബി: ഡാര്വിന് (ക്യാപ്റ്റന്), സന്തോഷ്, മോഹന് ബാലന്, ലത്തീഫ്, റാസിക്, ഹരി, സജു. ടീം സി: അഷറഫ് കുന്നത്ത് (ക്യാപ്റ്റന്), അലവി, പ്രകാശന്, ഷാഹിര്, അജ്മല്, നാഫിസ്, വീരാന്കുട്ടി. ടീം ഡി: മാത്യു (ക്യാപ്റ്റന്), ദിജേഷ്, ശരത്, രാജേഷ്, ജോണ്സണ്, സൂരജ്, സനൂപ്. ടീം ഇ: നൗഷാദ് (ക്യാപ്റ്റന്), ഷാനവാസ്, ഷാജഹാന്, ജെഫ്തികര്, സജി, സമീര്, ഫസ്ലിന്.
പരിപാടിയുടെ ഭാഗമായി സ്ത്രീകള്ക്കും കുട്ടികള്ക്കുമായി നിരവധി ഗെയിമുകളും കലാപരിപാടികളും അരങ്ങേറി. ഉദ്ഘാടന ചടങ്ങില് കലാസാഹിതി പ്രസിഡന്റ് നൗഷാദ് അടൂര് അധ്യക്ഷത വഹിച്ചു. രക്ഷാധികാരി മുസാഫിര് പരിപാടി ഉദ്ഘാടനം ചെയ്തു. ജനറല് സെക്രട്ടറി ഡാര്വിന് സ്വാഗതവും, ട്രഷറര് സന്തോഷ് വടവട്ടത്ത് നന്ദിയും പറഞ്ഞു.
Related News
