ദമ്മാം: മഹാത്മാഗാന്ധി സര്വകലാശാലയുടെ ബി.എസ്.സി ബയോ ഇന്ഫോമാറ്റിക്സ് പരീക്ഷയില് മൂന്നാം റാങ്ക് കരസ്ഥമാക്കിയ, ദമ്മാം ഇന്റര്നാഷണല് ഇന്ത്യന് സ്കൂള് (അല്മുന) മുന് വിദ്യാര്ത്ഥിനി തന്സീറ സിദ്ദീഖിനെ ആലുവ തായ്ക്കാട്ടുകരയിലെ വസതിയിലെത്തി പ്രവാസി വെല്ഫെയര് ആദരിച്ചു. തന്സീറയ്ക്ക് അനുമോദനവും ക്യാഷ് അവാര്ഡും സമ്മാനിച്ചു.
സൗദി അറേബ്യയിലെ ദമ്മാമില് ഇരുപത്തഞ്ച് വര്ഷത്തിലധികമായി പ്രവാസ ജീവിതം നയിക്കുന്ന, നാടക-ഷോര്ട്ട് ഫിലിം രംഗത്തെ അഭിനേതാവും രംഗപട-മേക്കപ്പ് വിദഗ്ധനുമായ, പ്രവാസി വെല്ഫെയര് എറണാകുളം-തൃശൂര് ജില്ലാ എക്സിക്യുട്ടീവ് അംഗം സിദ്ദീഖ് ആലുവയുടെയും നസീമയുടെയും മകളാണ് തന്സീറ. തന്സീറയുടെ ഈ ശ്രദ്ധേയ നേട്ടം പ്രവാസി സമൂഹത്തിനാകെ അഭിമാനകരമാണെന്നും, കഠിനാധ്വാനത്തിലൂടെ മികച്ച വിജയം കൈവരിച്ച തന്സീറ മറ്റു വിദ്യാര്ത്ഥികള്ക്ക് വലിയ പ്രചോദനമാണെന്നും ഭാരവാഹികള് അഭിപ്രായപ്പെട്ടു.
കൂടാതെ, എസ്.എസ്.എല്.സി, പ്ലസ് ടു പരീക്ഷകളില് ഉന്നത വിജയം നേടിയ അബ്ദുറഹിമാന് മുഹമ്മദ് ഷരീഫ്, യുമ്ന മുഹമ്മദ് ഷരീഫ് എന്നീ വിദ്യാര്ത്ഥികളെയും ചടങ്ങില് അനുമോദിച്ചു. ഇവര്ക്കുള്ള മെമെന്റോയും ക്യാഷ് അവാര്ഡും പ്രവാസി വെല്ഫെയര് ദമ്മാം റീജിയണല് കമ്മിറ്റി അംഗം റഊഫ് ചാവക്കാട്, ജില്ലാ വൈസ് പ്രസിഡന്റ് ഷരീഫ് കൊച്ചി എന്നിവര് ചേര്ന്ന് സമ്മാനിച്ചു. ചടങ്ങില് തന്സീറയുടെ മാതാവ് നസീമ, സഹോദരി തസ്നി സിദ്ദീഖ് എന്നിവരും സന്നിഹിതരായിരുന്നു.
Related News
