റിയാദ്: ക്ലസ്റ്റര്2 എയര്പോര്ട്സിന്റെ നിയന്ത്രണത്തിലുള്ള അബഹ അന്താരാഷ്ട്ര വിമാനത്താവളത്തില് ചരിത്രത്തിലാദ്യമായി ഒരു ദിവസത്തില് ഏറ്റവും കൂടുതല് വിമാന സര്വീസുകള് കൈകാര്യം ചെയ്ത് പുതിയ റെക്കോര്ഡ്. ജൂലൈ 5-ന് വിമാനത്താവളത്തില് 130-ലധികം സര്വീസുകളുണ്ടായി. ഇത് റെക്കോര്ഡാണ്.
130 സര്വീസുകളില് 117 ആഭ്യന്തര സര്വീസുകളും 15 അന്താരാഷ്ട്ര സര്വീസുകളുമായിരുന്നു.
വേനല്ക്കാലത്ത് ഈ മേഖലയിലേക്ക് എത്തുന്ന സന്ദര്ശകരുടെ എണ്ണത്തിലുണ്ടായ വര്ദ്ധനവും വിനോദസഞ്ചാര-സാംസ്കാരിക പരിപാടികളുമാണ് യാത്രാ തിരക്ക് ഇത്രയധികം ഉയരാന് കാരണം. വര്ദ്ധിച്ചുവരുന്ന ഈ യാത്രാ ആവശ്യകതയെ കൃത്യമായി നേരിടാന് വിമാനത്താവളത്തിന്റെ പ്രവര്ത്തന സംവിധാനത്തിന് കഴിഞ്ഞുവെന്നതിന്റെ തെളിവുകൂടിയാണിത്.
ദേശീയ ഗതാഗത-ലോജിസ്റ്റിക് തന്ത്രത്തിന് കീഴിലുള്ള ഏവിയേഷന് പ്രോഗ്രാമിന്റെ ലക്ഷ്യങ്ങള് യാഥാര്ത്ഥ്യമാക്കുന്നതില് ഈ നേട്ടം നിര്ണായക പങ്ക് വഹിക്കുന്നുണ്ട്. വിമാനത്താവളങ്ങളുടെ പ്രവര്ത്തന ശേഷി വര്ദ്ധിപ്പിക്കുകയെന്ന ലക്ഷ്യത്തിനൊപ്പം ഏറ്റവും ഉയര്ന്ന നിലവാരത്തിലുള്ള സേവനങ്ങള് യാത്രക്കാര്ക്ക് ഉറപ്പാക്കുകയുമാണ് ഇതിലൂടെ ലക്ഷ്യമിടുന്നത്.
Related News
