ജിദ്ദ: കൗണ്സില് ഫോര് ഇസ്ലാമിക് എജുക്കേഷന് ആന്ഡ് റിസേര്ച്ച് 2025-26 അധ്യയന വര്ഷത്തില് നടത്തിയ അഞ്ച്, ഏഴ് ക്ലാസുകളിലെ ജി.സി.സി തല പൊതുപരീക്ഷയില് ജിദ്ദ അല്ഹുദാ മദ്റസക്ക് നൂറു ശതമാനം വിജയം. പരീക്ഷയെഴുതിയ മുഴുവന് വിദ്യാര്ത്ഥികളും ഉന്നത വിജയം കരസ്ഥമാക്കി.
അഞ്ചാം ക്ലാസില് ബാരിഹ് മുഹമ്മദ് ബഷീര്, മുഹമ്മദ് അമാന് ഹഖ്, ദാര ഫിറോസ് ആര്യന് തൊടിക, ഈമാന് റസീന് മുസ്തഫ, ഫാത്തിമ ഷെന്സ, ഹവ്വ ഷംസീര്, നിഹ അഷ്ക്കര് എന്നിവരും, ഏഴാം ക്ലാസില് ഇഹാന് സൈദ്, രീഷ് ആഷിഖ്, ഫാത്തിമ ഹെലന്, ഫാത്തിമ ജസ ഹെന ജിയാഷ്, മിസ ടി.പി, റെയ യാസിദ്, അലൈഅ ഫഹിം എന്നിവരും മുഴുവന് വിഷയങ്ങളിലും എ-പ്ലസ് നേടി തിളക്കമാര്ന്ന വിജയം കൈവരിച്ചു. വിജയികളായ മുഴുവന് വിദ്യാര്ത്ഥികളെയും അല്ഹുദാ മദ്റസ മാനേജ്മെന്റും അധ്യാപകരും അനുമോദിച്ചു.
ജിദ്ദയിലെ മലയാളി സമൂഹത്തിനായി സ്ഥാപിതമായ ആദ്യത്തെ മദ്റസയായ അല്ഹുദയില് നിലവില് വിവിധ ബാച്ചുകളിലായി അഞ്ഞൂറോളം വിദ്യാര്ത്ഥികള് പഠിച്ചുവരുന്നുണ്ട്. തജ്വീദ് നിയമങ്ങള്ക്കനുസൃതമായ ഖുര്ആന് പഠനത്തിനും, ഇസ്ലാമിക മൂല്യങ്ങള് മുറുകെപ്പിടിക്കുന്ന ഉത്തമ തലമുറയെ വാര്ത്തെടുക്കുന്നതിനുള്ള ധാര്മ്മിക ശിക്ഷണത്തിനുമാണ് മദ്റസ മുന്ഗണന നല്കുന്നത്.
മദ്റസയില് 2026-27 പുതിയ അധ്യയന വര്ഷത്തേക്ക് കെ.ജി മുതല് എട്ടാം ക്ലാസ് വരെയുള്ള പ്രവേശനം ആരംഭിച്ചതായി കണ്വീനര് ഉമര് കോയ ബേപ്പൂര് അറിയിച്ചു. അഡ്മിഷനും കൂടുതല് വിവരങ്ങള്ക്കും ബന്ധപ്പെടുക: 0572466073, 0538233679.
Related News
