റിയാദ്: റിയാദിലെ പ്രമുഖ ഇവന്റ് മാനേജ്മെന്റ് കമ്പനിയായ മൂണ്‍ഗ്ലൈഡ് എന്റര്‍ടൈന്‍മെന്റ്സ്, റിയാദിലെ മുഖ്യധാരാ മലയാളി സംഘടനകളുടെ കൂട്ടായ്മയായ എന്‍.ആര്‍.കെ. ഫോറവുമായി സഹകരിച്ച് 2026 ഒക്ടോബര്‍ 2 ന് റിയാദില്‍ നടത്തുന്ന 'വേടന്‍ ലൈവ്' പ്രോഗ്രാമിന്റെ ഔപചാരിക ടൈറ്റില്‍ ലോഞ്ചും ടിക്കറ്റ് ലോഞ്ചും ജൂലൈ 31 വൈകീട്ട് 6 മണിക്ക് മുറബ്ബയിലെ റിയാദ് അവന്യൂ മാളിലെ ലുലു ഹൈപ്പര്‍മാര്‍ക്കറ്റില്‍ നടക്കും. പ്രമുഖ മലയാള സിനിമാ താരം അന്‍സിബ ഹസ്സന്‍ ചടങ്ങില്‍ മുഖ്യാതിഥിയായിരിക്കും. പോള്‍സ്റ്റാര്‍ ഡാന്‍സ് അക്കാദമിയുടെയും കലാഭവന്‍ നസീബിന്റെയും നേതൃത്വത്തില്‍ വിവിധ കലാപ്രകടനങ്ങളും അരങ്ങേറും. റിയാദിലെ കലാ-സാംസ്‌കാരിക, സാമൂഹ്യ, ബിസിനസ്സ് രംഗത്തെ പ്രമുഖര്‍ ചടങ്ങില്‍ പങ്കെടുക്കും.