റിയാദ്: ഇന്ന് ജൂണ് 5 ലോക പരിസ്ഥിതി ദിനം. കഴിഞ്ഞവര്ഷം പരിശുദ്ധ ഖുര്ആനിലെ പ്രാര്ത്ഥന എന്ന പ്രോഗ്രാം യൂട്യൂബിലൂടെ പോസ്റ്റ് ചെയ്ത് കഴിഞ്ഞപ്പോള്, അതിന്റെ നന്ദി സൂചകമായി ആ പ്രോഗ്രാമില് പങ്കെടുത്ത എല്ലാ മാസ്റ്റേഴ്സും ഓരോ വൃക്ഷത്തൈ നട്ടു പിടിപ്പിക്കാന് തീരുമാനിച്ചിരുന്നു. കഴിഞ്ഞ പരിസ്ഥിതി ദിനത്തില് ലോകമെമ്പാടുമുള്ള മാസ്റ്റേഴ്സ് അതില് പങ്കെടുക്കുകയും ചെയ്തു.
ഈ വര്ഷം ലൗ ദ ഖുര്ആന് മാസ്റ്റേഴ്സ് ക്ലബ് പുതിയ ബൃഹദ് പദ്ധതിയാണ് ആവിഷ്കരിച്ചിരിക്കുന്നത്. ഒരു ദിനം ഒരു പേജ് ഖുര്ആന് പാരായണത്തോടൊപ്പം അര്ത്ഥവും, 604 ദിവസം കൊണ്ട് പൂര്ത്തീകരിക്കുന്നതും 1208 പേര് പങ്കെടുക്കുന്നതുമായ പരിപാടിയാണ് ആവിഷ്കരിച്ചിരിക്കുന്നത്. ഇതിന്റെ പ്രചാരണാര്ത്ഥം ഒരാഴ്ച നീണ്ടു നില്ക്കുന്ന ലോക പരിസ്ഥിതി വാരം ആഘോഷിക്കും. അതിനായി ഡയറക്ടര് മഫാസു രാസ ചീഫ് കോര്ഡിനേറ്ററായി ഒരു കമ്മിറ്റി രൂപീകരിച്ചതായി ലൗ ദ ഖുര്ആന് മാസ്റ്റേഴ്സ് ക്ലബ് ചെയര്മാന് അബ്ദുല് നസീര് അറിയിച്ചു. ലോകമെമ്പാടുമുള്ള ലൗ ദ ഖുര്ആന് മാസ്റ്റേഴ്സും അവരുടെ കുടുംബാംഗങ്ങളും ഒരു വൃക്ഷത്തൈ നടൂ ഭൂമിക്ക് തണലേകൂ എന്ന യജ്ഞത്തില് പങ്കെടുക്കുമെന്നും അദ്ദേഹം കൂട്ടിച്ചേര്ത്തു.
Related News
