മക്ക: പരിശുദ്ധ ഹജ്ജ് കര്മങ്ങള് പൂര്ത്തിയാക്കി ആത്മനിര്വൃതിയോടെ ഭൂരിഭാഗം ഹാജിമാരും ഇന്ന് മിനയോട് വിടപറയും. മലയാളി ഹാജിമാര് നാളെ കൂടി ജംറയില് കല്ലെറിഞ്ഞ ശേഷമാകും മടങ്ങുക. ഹാജിമാര് മിന വിടുന്നതോടെ ഹറം വിടവാങ്ങല് 'ത്വവാഫി'ന്റെ വന് തിരക്കിലേക്ക് നീങ്ങുകയാണ്. ആഭ്യന്തര ഹാജിമാരില് അധികപേരും ഇന്നു വിടവാങ്ങള് ത്വവാഫ് കൂടി പൂര്ത്തിയാക്കി ഹജിന്റെ എല്ലാ കര്മങ്ങളും കഴിഞ്ഞ സംതൃപ്തിയോടെ മക്കയില്നിന്നു മടങ്ങാന് തുടങ്ങും.
ഹജ്ജിന്റെ അഞ്ചാം ദിനമായ ഇന്നത്തെ കല്ലേറ് കര്മവും പൂര്ത്തിയാക്കിയാണ് ഭൂരിഭാഗം ഹാജിമാരും മിനയോട് വിടപറയുന്നത്. സ്വകാര്യ ഗ്രൂപ്പുകളില് എത്തിയ മലയാളികളടക്കം ഇന്ന് മിനയില് നിന്ന് മടങ്ങും. സംസ്ഥാന ഹജ്ജ് കമ്മിറ്റിക്ക് കീഴിലെത്തിയ മലയാളി ഹാജിമാര് ഇന്നുകൂടി മിനായില് കഴിഞ്ഞ് നാളെയാണ് മടങ്ങുക.
സ്വകാര്യ ഗ്രൂപ്പിലെത്തിയ ഇന്ത്യന് ഹാജിമാരുടെ നാട്ടിലേക്കുള്ള മടക്കം നാളെ മുതല് ആരംഭിക്കും. അധിക പേരും ഒരാഴ്ചക്കു ശേഷമാകും പോവുക. എന്നാല് കുറഞ്ഞ ദിവസത്തിന്റെ പാക്കേജില് വന്നിട്ടുള്ളവര് നാളെ മുതല് മടങ്ങാന് ആരംഭിക്കും. മദീന സന്ദര്ശനം പൂര്ത്തിയാക്കാത്ത സംസ്ഥാന ഹജ്ജ് കമ്മിറ്റിക്ക് കീഴിലെത്തിവര് എട്ട് ദിനം മദീന സന്ദര്ശനം പൂര്ത്തിയാക്കി അവിടെ നിന്നാണ് നാട്ടിലേക്ക് പോവുക. വലിയ പ്രയാസങ്ങളോ അിഷ്ടസംഭവങ്ങളോ ഇല്ലാതെയാണ് ഹജിന്റെ പരിസമാപ്തി എന്നത് തീര്ഥാടകര്ക്കെന്ന പോലെ സൗദി ഭരണാധികാരികള്ക്കും ആശ്വാസമാണ് പകര്ന്നത്.
Related News
