.jpg)
ജിസാന്: ഗുരുതരമായ കരള് രോഗം ബാധിച്ച് ചികിത്സയിലായിരുന്ന കൊല്ലം സ്വദേശി മരിച്ചു. ജിസാന് പ്രിന്സ് മുഹമ്മദ് ബിന് നാസര് ആശുപത്രിയില് ചികിത്സയിലായിരുന്ന കൊല്ലം നെട്ടയം തെറ്റിക്കാട് നാസില മല്സിലില് നൗഷാദാണ് (55) മരിച്ചത്. രണ്ടാഴ്ച മുമ്പാണ് ദര്ബ് ജനറല് ആശുപത്രിയില് നൗഷാദിനെ പ്രവേശിപ്പിച്ചത്. തുടര്ന്ന് ആരോഗ്യ നില മോശമായതിനെ തുടര്ന്ന് ജിസാന് പ്രിന്സ് മുഹമ്മദ് ബിന് നാസാര് ആശുപത്രിയിലേക്ക് മാറ്റി. ആശുപത്രിയില് ചികിത്സയിലിരിക്കെ ഇന്ന് രാവിലെയാണ് അന്ത്യം സംഭവിച്ചത്. കഴിഞ്ഞ മുപ്പതു വര്ഷമായി ജിസാന് ദര്ബില് ഡ്രൈവറായിരുന്നു.
മരണ വിവരമറിഞ്ഞ് ജിദ്ദയില് ജോലിചെയ്യുന്ന അനുജന് അബ്ദുള് സത്താര് ജിസാനില് എത്തിയിട്ടുണ്ട്. മൃതദേഹം നാട്ടിലയക്കുന്നതിനുള്ള നിയമ നടപടികള് കെ.എം.സി.സി കേന്ദ്ര കമ്മിറ്റി പ്രസിഡന്റും ഇന്ത്യന് കോണ്സുലേറ്റ് സാമൂഹിക ക്ഷേമ സമിതി അംഗവുമായ ഷംസു പൂക്കോട്ടൂറിന്റെ നേതൃത്വത്തില് ആരംഭിച്ചിട്ടുണ്ട്. സൈനല്ലാബ്ദീനിന്റെയും ഫാത്തിമ ബീബിയുടെയും മകനാണ്. ഭാര്യ: ഷൈലജ മക്കള്: നാസില, നൗഫി, നസി, മാഹിന് എന്നിവര്.
Related News
