മക്ക- ഈ വര്ഷത്തെ ഹജ് വിജയകരമായി പര്യവസാനിച്ചതായി മക്ക മേഖല ഡെപ്യൂട്ടി ഗവര്ണറും ഹജ്, ഉംറ സ്ഥിരം സമിതി വൈസ് ചെയര്മാനുമായ സൗദ് ബിന് മിഷാല് ബിന് അബ്ദുല് അസീസ് രാജകുമാരന്. അടുത്ത വര്ഷത്തെ ഹജിനുള്ള ഒരുക്കങ്ങള് ഉടന് ആരംഭിക്കുമെന്ന് അദ്ദേഹം പറഞ്ഞു.
ഈ വര്ഷത്തെ ഹജ് സുരക്ഷ, ആരോഗ്യം, സേവനങ്ങള് എന്നീ കാര്യങ്ങളില് വിജയകരമായിരുന്നതായി മിനയിലെ ആസ്ഥാനത്ത് അദ്ദേഹം പ്രഖ്യാപിച്ചു.
ഇന്നലെ നടത്തിയ പത്രസമ്മേളനത്തില്, അടുത്ത വര്ഷത്തെ ഹജ് സീസണിനായുള്ള ഒരുക്കങ്ങള് ആരംഭിച്ചതായി അറിയിച്ചു. വിശുദ്ധ തീര്ഥാടകരെ വിജയത്തിന്റെ പങ്കാളികളായി കണക്കാക്കുന്നുവെന്നും, അവരുടെ പ്രതിബദ്ധതയും നിയമങ്ങളോടുള്ള അനുസരണവും ഇതിന് സഹായകമായെന്നും അദ്ദേഹം കൂട്ടിച്ചേര്ത്തു.
അടുത്ത വര്ഷത്തെ ഹജ് സീസണിനായുള്ള ക്രമീകരണങ്ങളും ആസൂത്രണവും ഉടനടി ആരംഭിക്കുമെന്ന് അദ്ദേഹം പറഞ്ഞു. 'വിശുദ്ധ സ്ഥലങ്ങളെയും തീര്ത്ഥാടകരെയും സേവിക്കുന്നതില് രാജ്യത്തിനും അതിന്റെ നേതൃത്വത്തിനും, സര്ക്കാരിനും, ജനങ്ങള്ക്കും അഭിമാനമുണ്ട്. അടുത്ത വര്ഷത്തെ ഹജിനായുള്ള ഒരുക്കങ്ങള് ഞങ്ങള് ഉടനടി ആരംഭിക്കും. വാക്കിലും പ്രവൃത്തിയിലും വിജയവും മാര്ഗ്ഗനിര്ദ്ദേശവും നല്കണമെന്ന് ഞങ്ങള് സര്വ്വശക്തനായ ദൈവത്തോട് പ്രാര്ത്ഥിക്കുന്നു- അദ്ദേഹം പറഞ്ഞു.
Related News
