ദോഹ: ഖത്തറില് നിന്ന് വിനോദയാത്രപോയ സംഘം സഞ്ചരിച്ച ബസ് വടക്കുകിഴക്കന് കെനിയയിലെ ന്യാന്ഡറുവ പ്രവിശ്യയില് വെച്ച് മറിഞ്ഞ് ആറു പേര് മരിച്ചതായി റിപ്പോര്ട്ട്. മലയാളികള് ഉള്പ്പടെയുള്ളവര് അപകടത്തില്പ്പെട്ട വിനോദയാത്രാ സംഘത്തിലുണ്ട്. മരിച്ചവരുടെ പേരു വിവരങ്ങള് ലഭ്യമായിട്ടില്ല.
നാല് പുരുഷന്മാരും ഒരു സ്ത്രീയും ഒരു കുഞ്ഞും ഉള്പ്പെടെ ആറ് പേര് മരിച്ചതായി കെനിയന് മാധ്യമങ്ങള് റിപ്പോര്ട്ട് ചെയ്തു. 27പേര്ക്ക് പരിക്കേറ്റിട്ടുണ്ട്. ഇവര് പ്രദേശത്തെ ആശുപത്രിയില് ചികിത്സയിലാണ്. കര്ണാടക സ്വദേശികളും സംഘത്തിലുണ്ട്. പ്രാദേശിക സമയം തിങ്കളാഴ്ച വൈകീട്ട് നാല് മണിയോടെയായിരുന്നു അപകടം. ശക്തമായ മഴയില് ഇവര് സഞ്ചരിച്ച ബസ്സിന്റെ നിയന്ത്രണം നഷ്ടമാവുകയും താഴ്ചയിലേക്ക് മറിയുകയുമായിരുന്നുവെന്നാണ് വിവരം. അപകടത്തില് ആറുപേര് മിച്ചതും 27 പേര്ക്ക് പരിക്കേറ്റതും ന്യാന്ഡറുവ പ്രവിശ്യ കമ്മീഷണര് അബ്ദിലിസാക് ജാര്ദേസ സ്ഥിരീകരിച്ചിട്ടുണ്ട്.
Related News
