ജിദ്ദ: പരിശുദ്ധ ഹജ്ജ് കർമ്മം നിർവഹിച്ചു നാട്ടിലേക്ക് മടങ്ങുന്നതിനിടയിൽ കർണ്ണാടക നിയമസഭാ സ്പീക്കർ യു. ടി ഖാദറുമായി ഒഐസിസി വെസ്റ്റേൺ റീജ്യണൽ കമ്മിറ്റി നേതാക്കൾ കൂടിക്കാഴ്ച നടത്തി. പ്രസിഡണ്ട് ഹക്കീം പാറക്കൽ, ജന: സെക്രട്ടറി അസ്ഹാബ് വർക്കല, ഹെൽപ്പ് ഡെസ്ക്ക് ജന: കൺവീനറും ഗ്ലോബൽ കമ്മിറ്റി അംഗവുമായ അലി തേക്ക്തോട്, ഷാനവാസ് പത്തനംതിട്ട എന്നിവരാണ് സംഘത്തിലുണ്ടായിരുന്നത്.

റീജ്യണൽ കമ്മിറ്റിക്ക് വേണ്ടി പ്രസിഡണ്ട് ഹക്കീം പാറക്കൽ ഹരാർപ്പണം നടത്തി. ഒഐസിസി യുടെ ഹജ്ജ് സേവനങ്ങൾ ഉൾപ്പെടെയുള്ള പ്രവർത്തനങ്ങൾ ഏറെ അഭിനന്ദനീയമാണെന്നും മാതൃപ്രസ്ഥാനമായ ഇന്ത്യൻ നാഷണൽ കോൺഗ്രസ്സിന് കൂടുതൽ കരുത്തേകുവാൻ കഴിഞ്ഞിട്ടുണ്ടെന്നും യു.ടി.ഖാദർ പറഞ്ഞു.

സയ്യിദ് ഇബ്രാഹിമുൽ ഖലീൽ ബുഖാരി തങ്ങളോടൊപ്പം കുടുംബസമേതം ഹജ്ജ് നിർവഹിച്ചു നാട്ടിലേക്ക് മടങ്ങുന്നതിനിടയിലായിരുന്നു കൂടിക്കാഴ്ച. മഹ്ദിൻ സാരഥികളാണ് കൂടിക്കാഴ്ചക്ക് വഴിയൊരുക്കിയത്.