അഹമ്മദാബാദ്: അഹമ്മദാബാദില്‍നിന്ന് ലണ്ടനിലേക്ക് പുറപ്പെട്ട എയര്‍ ഇന്ത്യ വിമാനം അപകടത്തില്‍പ്പെട്ടതായി ഔദ്യോഗികമായി സ്ഥിരീകരിച്ചു. വിമാനത്തിലുണ്ടായിരുന്ന യാത്രക്കാരുടെയും ജീവനക്കാരുടെയും വിവരങ്ങള്‍ എയര്‍ ഇന്ത്യ പുറത്തുവിട്ടു. ബോയിംഗ് 787-8 വിഭാഗത്തില്‍പ്പെട്ട വിമാനം ഉച്ചയ്ക്ക് 1:38-ന് അഹമ്മദാബാദില്‍ നിന്ന് പുറപ്പെട്ടപ്പോള്‍ 242 യാത്രക്കാരും ജീവനക്കാരും അതിലുണ്ടായിരുന്നതായി എയര്‍ലൈന്‍ അറിയിച്ചു.

വിമാനത്തിലുണ്ടായിരുന്നവരുടെ ദേശീയത തിരിച്ചുള്ള വിവരങ്ങള്‍ എയര്‍ ഇന്ത്യ നല്‍കിയത് ഇങ്ങനെയാണ്:

ഇന്ത്യന്‍ പൗരന്മാര്‍: 169 പേര്‍
ബ്രിട്ടീഷ് പൗരന്മാര്‍: 53 പേര്‍
കനേഡിയന്‍ പൗരന്മാര്‍: 1
പോര്‍ച്ചുഗീസ് പൗരന്മാര്‍: 7 പേര്‍
അപകടത്തില്‍ പരിക്കേറ്റ നിരവധി പേരെ സമീപത്തുള്ള ആശുപത്രികളിലേക്ക് ചികിത്സയ്ക്കായി മാറ്റിയിട്ടുണ്ട്.

വിമാനത്തിലുണ്ടായിരുന്നവരെക്കുറിച്ചുള്ള വിവരങ്ങള്‍ ലഭിക്കുന്നതിനായി എയര്‍ ഇന്ത്യ 1800 5691 444 എന്ന നമ്പറില്‍ ഒരു പ്രത്യേക ഹെല്‍പ്പ്‌ലൈന്‍ ആരംഭിച്ചിട്ടുണ്ട്. മാധ്യമപ്രവര്‍ത്തകര്‍ ഈ നമ്പറില്‍ ബന്ധപ്പെടരുതെന്നും, പകരം +91 9821414954 എന്ന പ്രത്യേക മീഡിയാ കോണ്‍ടാക്റ്റ് നമ്പറില്‍ ബന്ധപ്പെടാനും എയര്‍ലൈന്‍ അഭ്യര്‍ത്ഥിച്ചു.

അപകടത്തെക്കുറിച്ചുള്ള അന്വേഷണത്തില്‍ അധികാരികളുമായി പൂര്‍ണ്ണമായി സഹകരിക്കുമെന്നും, ഔദ്യോഗിക 'എക്സ്' ഹാന്‍ഡില്‍ വഴിയും മശൃശിറശമ.രീാ വഴിയും കൃത്യമായ വിവരങ്ങള്‍ നല്‍കുമെന്നും എയര്‍ ഇന്ത്യ അറിയിച്ചു.