ദമാം : ഇരുപത്തിയഞ്ചാം വര്‍ഷത്തിലേക്ക് പ്രവേശിച്ച സൗദി കിഴക്കന്‍ പ്രവിശ്യയിലെ വാഴക്കാട്ടുകാരുടെ കുട്ടായ്മയായ ദമ്മാം വാഴക്കാട് വെല്‍ഫെയര്‍ സെന്റര്‍ വാര്‍ഷിക ജനറല്‍ ബോഡിയും വാഴക്കാടോത്സവവും സംഘടിപ്പിച്ചു. ദമാം സൈഹാത്തിലെ റിസോര്‍ട്ടില്‍ നടന്ന പരിപാടി പ്രമുഖ സാമൂഹിക പ്രവര്‍ത്തകനും ലോകകേരള സഭാംഗവുമായ നാസ് വക്കം ഉദ്ഘാടനം ചെയ്തു. ഇരുപത്തിയഞ്ചാം വര്‍ഷത്തികത്തിന്റെ ലോഗോ പ്രകാശനം നാസ് വക്കം നിര്‍വ്വഹിച്ചു. ആക്ടിംഗ് പ്രസിഡന്റ് അഷ്‌റഫ് പി.ടി അധ്യക്ഷത വഹിച്ചു. നാസര്‍ വെള്ളിയത്ത് ആശംസകള്‍ നേര്‍ന്നു. അഹ്‌സന്‍ അഷ്‌റഫ് ഖിറാഅത്ത് നടത്തി.

2024-25 വര്‍ഷത്തെ പ്രവര്‍ത്തന സാമ്പത്തിക റിപ്പോര്‍ട്ടുകള്‍ യഥാക്രമം സെക്രട്ടറി ഷബീര്‍ ആക്കോടും ട്രഷറര്‍ യാസര്‍ തിരുവാലൂരും അവതരിപ്പിച്ചു. പതിനൊന്ന് ലക്ഷത്തോളം രൂപയുടെ ജീവകാരുണ്യ പ്രവര്‍ത്തനങ്ങള്‍ നാട്ടില്‍ നടത്തിയതായി റിപ്പോര്‍ട്ട് ചൂണ്ടിക്കാട്ടി.

2025-26 കാലയളവിലേക്കുള്ള പുതിയ ഭാരവാഹികളെ യോഗത്തില്‍ തിരഞ്ഞെടുത്തു. രക്ഷാധികാരിയായി പി.കെ ഹമീദിനേയും പ്രസിഡന്റായി മുജീബ് കളത്തിലിനേയും, ജനറല്‍ സെക്രട്ടറിയായി ഷബീര്‍ ആക്കോടിനേയും, ട്രഷററായി യാസര്‍ തിരുവാലൂരിനേയും തിരഞ്ഞെടുത്തു. മറ്റ് ഭാരവാഹികളായി നഫീര്‍ തറമ്മല്‍ (സീനിയര്‍ വൈസ് പ്രസിഡന്റ് ) ജാവിഷ് അഹമ്മദ്, അഷ്‌റഫ് പി.ടി, റശീദ് പി.ടി (വൈസ് പ്രസിഡന്റുമാര്‍) ഷറഫുദ്ധീന്‍ എം.പി (ഓര്‍ഗനൈസിംഗ് സെക്രട്ടറി) അഫ്താബുറഹ്‌മാന്‍, ഷിജില്‍ ടി.കെ, മുസ്ഥഫ എ.പി (ജോയന്റ് സെക്രട്ടറിമാര്‍) ഷാഹിര്‍ ടി.കെ (സ്‌ക്രീനിംഗ് കമ്മറ്റി കണ്‍വീനര്‍) റഹ്‌മത്ത് കെ.പി (റിലീഫ് കോര്‍ഡിനേറ്റര്‍) എന്നിവരേയും തിരഞ്ഞെടുത്തു. നാസര്‍ വെള്ളിയത്ത് തിരഞ്ഞെടുപ്പിന് നേതൃത്വം നല്‍കി. വാര്‍ഷിക ജനറല്‍ ബോഡി യോഗത്തിന് മുജീബ് കളത്തില്‍ സ്വാഗതവും ജാവിഷ് അഹമ്മദ് നന്ദിയും പറഞ്ഞു.

പിന്നീട് നടന്ന വര്‍ണശബളമായ വാഴക്കാടോത്സവം 2025 പരിപാടിക്ക് ഷാഹിര്‍ ടി.കെ, ഷറഫുദ്ധീന്‍ എം.പി, ഷാഫി വാഴക്കാട്, റശീദ് പി.ടി, അഫ്താബ്, ഉനൈസ് , ഷിജില്‍ തുടങ്ങിയവര്‍ നേതൃത്വം നല്‍കി. കുടുംബിനികളും കുട്ടികളുമടക്കം പങ്കെടുത്ത വാഴക്കാടോത്സവം വിവിധ കലാ, കായിക വിനോദ മത്സരങ്ങളുടെയും ദമാമിലെ വാഴക്കാട്ടുകാരുടെ സുഹൃദ് സംഗമവുമായി മാറി.

പടം:
1) ഇരുപത്തിയഞ്ചാം വര്‍ഷത്തികത്തിന്റെ ലോഗോ പ്രകാശനം നാസ് വക്കം നിര്‍വ്വഹിക്കുന്നു.

2) മുജീബ് കളത്തില്‍, ഷബീര്‍ ആക്കോട്, യാസര്‍ തിരുവാലൂര്‍