മക്ക: ഇന്ത്യന് ഹജ്ജ് മിഷന്റെ ഭാഗമായി ഹജ്ജ് '25ന് സേവനത്തിനെത്തിയ മലയാളി ഫാര്മസിസ്റ്റുകളെ സൗദി കേരള ഫാര്മസിസ്റ്റ് ഫോറം ആദരിച്ചു. മക്ക അസിസിയലുള്ള പാനൂര് റെസ്റ്റോറെന്റില് നടന്ന പരിപാടിയില് പതിനഞ്ചോളം ഫാര്മസിസ്റ്റുകള് പങ്കെടുത്തു. ഹജ്ജ് വേളയില് ഉടനീളം സ്തുത്യര്ഹമായ പ്രവര്ത്തനമായിരുന്നു ഫാര്മസിസ്റ്റുകളുടേതെന്നു ഫോറം ജനറല് സെക്രട്ടറി ശിഹാബുദ്ധീന് കൂളാപറമ്പില് അനുമോദന സന്ദേശത്തില് പറഞ്ഞു.
ഫാര്മസിസ്റ്റുകള് എന്ന നിലയില് അംഗീകരിക്കപ്പെടുക എന്നത് വളരെ സന്തോഷം നല്കുന്നതാണെന്ന് സ്റ്റേറ്റ് ഹജ്ജ് ഇന്സ്പെക്ടര് നിസാര് കണ്ണൂര് അഭിപ്രായപ്പെട്ടു. മക്ക റീജിയണല് കോര്ഡിനേഷര് തന്വീര് വേങ്ങശ്ശേരി, സ്പോര്ട്സ് വിങ് ലീഡര് ഹിദായത്തുള്ള പുള്ളിശ്ശേരി, അസ്ലക് എന്നിവര് പരിപാടിയില് പങ്കെടുത്തു.
Related News
