ജിദ്ദ: ഒഐസിസി വെസ്റ്റേണ് റീജ്യണല് കമ്മറ്റിയുടെ നേതൃത്വത്തില് അന്തരിച്ച മുതിര്ന്ന കോണ്ഗ്രസ് നേതാവും മുന് കെപിസിസി പ്രസിണ്ടുമായ തെന്നല ബാലകൃഷ്ണപിള്ളയുടെ വിയോഗത്തില് അനുശോചനം രേഖപ്പെടുത്തുകയും അനുസ്മരണ സമ്മേളനം സംഘടിപ്പിക്കുകയും ചെയ്തു. ഗാന്ധിയന് ആശയാദര്ശങ്ങള് സ്വജീവിതത്തില് പകര്ത്തിയ മാതൃകാപുരുഷനായിരുന്നു എന്നും കോണ്ഗ്രസില് അഭിപ്രായവ്യത്യാസങ്ങള് രൂക്ഷമായ സന്ദര്ഭങ്ങളില് എല്ലാവരെയും കൂട്ടിയോജിപ്പിച്ചു പാര്ട്ടിയെ ചരിത്ര വിജയത്തിലേക്ക് നയിക്കുവാന് കഴിഞ്ഞ പൊതുസമ്മതനായ നേതാവായിരുന്നും ചടങ്ങില് സംസാരിച്ചവര് അഭിപ്രായപ്പെട്ടു. അധികാരസ്ഥാനങ്ങള് കൈവെടിയേണ്ടി വന്ന ഘട്ടങ്ങളില് നിരാശയോ വൈമനസ്യമോ പ്രകടിക്കാതെ പാര്ട്ടി തീരുമാനം ശിരസ്സാ വഹിച്ച ത്യാഗിയായിരുന്നു തെന്നല എന്ന് ചടങ്ങില് സംസാരിച്ച ഐഎന്ടിയുസി സംസ്ഥാന നിര്വ്വാഹക സമിതി അംഗം എം.എ. അസീസ് അനുസ്മരണ പ്രഭാഷണത്തില് പറഞ്ഞു.
ഒഐസിസി വെസ്റ്റേണ് റീജ്യണല് കമ്മിറ്റി പ്രസിഡണ്ട് ഹക്കീം പാറക്കല് അധ്യക്ഷത വഹിച്ചു. വൈസ് പ്രസിഡന്റ് രാധാകൃഷ്ണന് കാവുമ്പായ്, ജന: സെക്രട്ടറിമാരായ അസ്ഹാബ് വര്ക്കല, മനോജ് മാത്യു, ഗ്ലോബല് കമ്മറ്റി അംഗം അലി തേക്കുതോട്, സെക്രട്ടറി യുനുസ് കാട്ടൂര്, വനിതാ വിഭാഗം പ്രസിഡന്റ് മൗഷ്മി ശരീഫ്, മജീദ് ചേറൂര്, നൗഷാദ് ചാലിയാര്, ഫിറോസ് പോരൂര്, നാസര് കോഴിത്തോടി, അയൂബ് പന്തളം, അര്ഷാദ് ഏലൂര്, അഷ്റഫ് വടക്കേകാട്, റോബി, മഹേഷ്, ജോസഫ്, ഷാനു കരമന, നാസര് സൈന് തുടങ്ങിയവര് സംസാരിച്ചു. സമീര് കാളികാവ് നന്ദി പറഞ്ഞു.
Related News
