.jpg)
ജിസാന്: കോഴിക്കോട് പരുത്തിപ്പാറ വടക്കെണി പൂവത്തുംകണ്ടി വീട്ടില് അഫ്സല് താഹ(35)യെ ജിസാന് ബെയ്യിഷില് ജോലിസ്ഥലത്ത് മരിച്ച നിലയില് കണ്ടെത്തി. ബെയ്ഷിലുള്ള ജോലിസ്ഥലത്തെ മുറിയില് രാത്രി ഉറങ്ങുകയായിരുന്ന അഫ്സലിനെ പിറ്റെ ദിവസം രാവിലെ മരിച്ചനിലയില് കണ്ടെത്തുകയായിരുന്നു. കമ്പനിയില് ഒപ്പം ജോലി ചെയ്തിരുന്ന നേപ്പാള് സ്വദേശിയാണ് അഫ്സലിനെ മരിച്ച നിലയില് കണ്ടെത്തിയത്. കമ്പനി അധികൃതര് അറിയിച്ചതനുസരിച്ച് ബെയ്ഷ് സിറ്റി പോലീസ് സ്ഥലത്തെത്തി നിയമനടപടികള്ക്ക് ശേഷം മൃതദേഹം അല്ദര്ബ് ജനറല് ആശുപത്രി മോര്ച്ചറിയിലേക്ക് മാറ്റി.
അഫ്സല് ദീര്ഘകാലമായി അപസ്മാര രോഗ ബാധിതനായിരുന്നതായി കമ്പനിയിലെ സഹപ്രവര്ത്തകര് പറയുന്നു. കഴിഞ്ഞ എട്ടു വര്ഷമായി ബെയിഷില് റിവൈവ കമ്പനിയില് ജോലി ചെയ്യുകയായിരുന്നു. വടക്കെണി കോയാലിയുടെയും ഖദീജയുടെയും മകനാണ് അഫ്സല് താഹ. വിവാഹിതനും മൂന്നു കുട്ടികളുടെ പിതാവുമാണ്. കെ.എം.സി.സി സൗദി ദേശീയ സെക്രട്ടറി ഹാരിസ് കല്ലായിയുടെ നേതൃത്വത്തില് കെ. എം.സി.സി പ്രവര്ത്തകര് സഹായങ്ങളുമായി രംഗത്തുണ്ട്.
Related News
