തിരുവനന്തപുരം: കനത്ത മഴ തുടരുന്ന സാഹചര്യത്തില് വയനാട്, തൃശൂര്, കാസര്കോട്, മലപ്പുറം ജില്ലകളിലെ വിദ്യാഭ്യാസ സ്ഥാപനങ്ങള്ക്ക് തിങ്കളാഴ്ച അവധി പ്രഖ്യാപിച്ചു. പ്രഫഷനല് കോളജുകള്, അങ്കണവാടികള്, നഴ്സറികള്, ട്യൂഷന് സെന്ററുകള് ഉള്പ്പടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധി ബാധകമാണ്.
തൃശൂര് ജില്ലയില് മുന്കൂട്ടി നിശ്ചയിച്ച പരീക്ഷകള്ക്കും അഭിമുഖങ്ങള്ക്കും മാറ്റമുണ്ടായിരിക്കില്ല. വയനാട്, കാസര്കോട് ജില്ലകളില് റെഡ് അലര്ട്ടും തൃശൂര് ജില്ലയില് ഓറഞ്ച് അലര്ട്ടും നിലനില്ക്കുന്ന സാഹചര്യത്തിലാണ് അവധി. വടക്കന് കേരളത്തില് അതിതീവ്രമഴ മുന്നറിയിപ്പ് നല്കി. വരും ദിവസങ്ങളില് മഴ കനക്കുമെന്നാണ് മുന്നറിയിപ്പ്. വയനാട് ജില്ലയിലെ റസിഡന്ഷ്യല് സ്കൂളുകള്ക്കും റസിഡന്ഷ്യല് കോളേജുകള്ക്കും അവധി ബാധകമല്ലെന്ന് കലക്ടര് അറിയിച്ചു.
അതിതീവ്ര മഴ തുടരുന്നതിനാലും ജൂണ് 16 ന് ജില്ലയില് റെഡ് അലര്ട്ട് പ്രഖ്യാപിച്ച സാഹചര്യത്തിലും മലപ്പുറം ജില്ലയിലെ പ്രൊഫഷണല് കോളെജുകള് ഉള്പ്പെടെ മുഴുവന് വിദ്യാഭ്യാസ സ്ഥാപനങ്ങള്ക്കും നാളെ ജില്ലാ കളക്ടര് അവധി പ്രഖ്യാപിച്ചു. മദ്രസകള്, ട്യൂഷന് സെന്ററുകള്, അങ്കണവാടികള് എന്നിവക്കും അവധി ബാധകമാണ്. പരീക്ഷകള്ക്കും റസിഡന്ഷ്യല് വിദ്യാഭ്യാസ സ്ഥാപനങ്ങള്ക്കും അവധി ബാധകമല്ല.
സംസ്ഥാന വ്യാപകമായി കനത്ത മഴ തുടരുകയാണ്. പലയിടങ്ങളിലും മരംകടപുഴകി വീണ് നാശനഷ്ടങ്ങളുണ്ടായി. താഴ്ന്ന പ്രദേശങ്ങളില് വെള്ളക്കെട്ടുകള് രൂപപ്പെട്ടത് ഗതാഗതത്തിന് തടസ്സം സൃഷ്ടിക്കുന്നുണ്ട്. ഒട്ടുമിക്ക പുഴകളിലും ജന നിരപ്പ് ഉയര്ന്നിട്ടുണ്ട്.
Related News
