ജിദ്ദ : ജിദ്ദയിലുള്ള നെന്മിനി പ്രവാസി കൂട്ടായ്മയായ ജെ എന് എ (JNA ) ഒമ്പതാം വാര്ഷികാഘോഷം അതിവിപുലമായ പരിപാടികളോടെ സീസണ് റസ്റ്റോറന്റ് ഓഡിറ്റോറിയത്തില് നടത്തി. പി എം അബ്ദല്മുത്തലിബ് അധ്യക്ഷത വഹിച്ചു. ജെ എന് എ യുടെ സാമൂഹ്യ സേവന ജീവകാരുണ്യ പ്രവര്ത്തനങ്ങള് ശ്ലാഘനീയമാണെന്നും പ്രവാസം അവസാനിപ്പിച്ച് നാട്ടില് തിരിച്ചെത്തുന്നവര്ക്കു സ്വയം തൊഴില് മാര്ഗ നിര്ദ്ദേശങ്ങള് നല്കണമെന്നും കെ ടി അബ്ദുല് മജീദ്
(കേരള വ്യവസായ വകുപ്പ് മുന് ജോയിന്റ് ഡയറക്ടര് ) ഉദ്ഘാടനം ചെയ്ത് കൊണ്ട് പറഞ്ഞു.
സ്നേഹ സംഗമത്തില് ഷാനവാസ് പാലവിളയുടെ നേതൃത്വത്തില് വിവിധ കലാപരിപാടികളും ഗാനമേളയും അരങ്ങേറി. കലാപരിപാടികള് അവതരിപ്പിച്ചവര്ക്ക് പ്രായോചകര് നല്കിയ സമ്മാനങ്ങള് വിതരണം ചെയ്തു. സി അബൂബക്കര്, ഉസ്മാന് അല് അമൂദി, അബ്ദുറഹ്മാന് അല് അന്സാരി, പി അബുക്കുട്ടി, ഒ കെ ഫൈസല്, എ കെ അഷ് റഫ്, ഒ കെ ഫിറോസ് , കെ എം റഷീദ്, എ നാസര് എന്നിവര് ആശംസകള് നേര്ന്ന് സംസാരിച്ചു. റഫീഖ് ചോലക്കല് സ്വാഗതവും ഷാനവാസ് പാലവിളയില് നന്ദിയും പറഞ്ഞു.
Related News
