ജിസാന്: ജിസാന് ആര്ട്ട് അസോസിയേഷന്റെ (ജല) ആഭിമുഖ്യത്തില് ലോക രക്തദാന ദിനത്തോടനുബന്ധിച്ച് സൗദി ആരോഗ്യ മന്ത്രാലയത്തിന്റെ സഹകരണത്തോടെ 'രക്തദാനം ജീവദാനം' എന്ന സന്ദേശവുമായി ജിസാനില് രക്തദാന ക്യാമ്പ് സംഘടിപ്പിച്ചു. ജിസാന് ജനറല് ആശുപത്രിയില് നടന്ന രക്തദാന ക്യാമ്പി ന്റെ ഉദ്ഘാടനം 'ജല' കേന്ദ്രകമ്മിറ്റി ജനറല് സെക്രട്ടറി സലാം കൂട്ടായി നിര്വഹിച്ചു. പ്രസിഡന്റ് ഫൈസല് മേലാറ്റൂര് അധ്യക്ഷത വഹിച്ചു. 'ജല' മുഖ്യ രക്ഷാധികാരി വെന്നിയൂര് ദേവന്, വൈസ് പ്രസിഡന്റ് ഹനീഫ മുന്നിയൂര്, ഏരിയ സെക്രട്ടറിമാരായ നൗഷാദ് പുതിയതോപ്പില്, അഷ്റഫ് പാണ്ടിക്കാട്, ഏരിയ പ്രസിഡന്റ് സലിം മൈസൂര്, കേന്ദ്ര കമ്മറ്റി അംഗം ജബ്ബാര് പാലക്കാട് എന്നിവര് ആശംസകള് നേര്ന്നു. സെക്രട്ടറിമാരായ അനീഷ് നായര് സ്വാഗതവും സണ്ണി ഓതറ നന്ദിയും പറഞ്ഞു.
'ജല' ജിസാന് ഏരിയ സെക്രട്ടറി അന്തുഷ ചെട്ടിപ്പടി, കേന്ദ്ര കമ്മറ്റി അംഗങ്ങളായ ഹര്ഷാദ് അമ്പയകുന്നുമ്മേല്, സിയാദ് പുതുപ്പറമ്പില്, ഹക്കീം വണ്ടൂര്, സാദിഖ് പരപ്പനങ്ങാടി, മുസ്തഫ പട്ടാമ്പി, സഹല് എ.കെ.പി, ഗഫൂര് പൊന്നാനി, ജമാല് കടലുണ്ടി, അഷ്റഫ് മണ്ണാര്ക്കാട് യൂണിറ്റ് ഭാരവാഹികളായ ബിനു ബാബു, ഷെല്ജിന്, പ്രിന്സ് കല്ലുംമൂട്ടില്, കോശി വര്ഗീസ് എന്നിവര് പരിപാടികള്ക്ക് നേതൃത്വം നല്കി. ജിസാനിലെ വിവിധ ഭാഗങ്ങളില് നിന്നുള്ള 'ജല'യുടെ യൂണിറ്റുകളില് നിന്നായി നിരവധി പ്രവര്ത്തകര് ക്യാമ്പില് പങ്കെടുത്ത് രക്തദാനം നടത്തി. രക്തദാന ക്യാമ്പ് സംഘടിപ്പിച്ച 'ജല' ഭാരവാഹികളെയും പ്രവര്ത്തകരെയും ജിസാന് ജനറല് ആശുപത്രി ലബോറട്ടറി ഡയറക്ടര് അലി അല്ബാദി അഭിനന്ദിച്ചു.
Related News
