യാമ്പു: യാമ്പുവില്‍നിന്ന്് ബലി പെരുന്നാള്‍ അവധിക്ക് നാട്ടില്‍ പോയ കണ്ണൂര്‍ സ്വദേശി ഹൃദയാഘാതത്തെ തുടര്‍ന്ന് നിര്യാതനായി. ഇരിക്കൂര്‍ പെരുവളത്ത്പറമ്പ് റഫ്‌നാസ് വീട്ടില്‍ ഖലീലുല്ല (52) ആണ് മരിച്ചത്. തിങ്കളാഴ്ച രാവിലെ നെഞ്ചുവേദനയെ തുടര്‍ന്ന് ബന്ധുക്കള്‍ ആശുപത്രിയിലേക്ക് കൊണ്ടു പോകുന്നതിനിടെയാണ് മരണം.
മൂന്ന് പതിറ്റാണ്ട് കാലമായി യാമ്പു സ്റ്റീല്‍ കമ്പനിയില്‍ ജോലി ചെയ്തു വരികയായിരുന്നു. ബലി പെരുന്നാളിന്റെ രണ്ടു ദിവസം മുമ്പാണ് റീ-എന്‍ട്രി വിസയില്‍ നാട്ടിലേക്ക് പോയത്. അവധി കഴിഞ്ഞ് ഈ മാസാവസാനം സൗദിയിലേക്ക് മടങ്ങാനിരിക്കെയാണ് മരണം. കെ.എം.സി.സി കണ്ണൂര്‍ ജില്ല യാമ്പു പ്രവര്‍ത്തക സമിതിയംഗമായിരുന്ന ഖലീലുല്ലയുടെ വിയോഗം ബന്ധുക്കളെയും സഹപ്രവര്‍ത്തകരെയും യാമ്പു പ്രവാസികളെയും സുഹൃത്തുക്കളെയും ദുഃഖത്തിലാഴ്ത്തി.

പരേതരായ അബ്ദുല്ല, ആയിഷ ദമ്പതികളുടെ മകനാണ്. ഭാര്യ: റഹ്‌മത്ത് ഹന്ന, മക്കള്‍: നൗഷീര്‍ (യു.എ.ഇ), നിഷാദ് (ദമ്മാം), റഫ്ന. സഹോദരങ്ങള്‍: അഷ്റഫ്, ഷംസുദ്ദീന്‍, റസിയ, സുബൈദ, പരേതനായ നിസാര്‍.