ജിദ്ദ- ഹൈവേകളിലെ എമര്ജന്സി ലെയ്ന് ലംഘനങ്ങള് തത്സമയം നിരീക്ഷിക്കാന് ആര്ട്ടിഫിഷ്യല് ഇന്റലിജന്സ് ഉപയോഗിച്ചുള്ള സാങ്കേതിക വിദ്യ കിംഗ് അബ്ദുല് അസീസ് യൂണിവേഴ്സിറ്റിയിലെ ഒരു നൂതന ഗവേഷണ പദ്ധതിയില് വികസിപ്പിച്ചെടുത്തു. ആര്ക്കിടെക്ചര് ആന്ഡ് പ്ലാനിംഗ് ഫാക്കല്റ്റിയിലെ ജിയോമാറ്റിക്സ് വിഭാഗത്തിലെ ഒരു വിദ്യാര്ഥി സംഘമാണ് ഈ സ്മാര്ട്ട് സിസ്റ്റം വികസിപ്പിച്ചത്.
ജിയോമാറ്റിക്സ് പ്രൊഫസര്മാരുടെ മേല്നോട്ടത്തില്, 'റാസ്ബെറി പൈ' ഉപകരണം, കമ്പ്യൂട്ടര് വിഷന് ടെക്നിക്കുകള് എന്നിവ ഉപയോഗിച്ച്, എമര്ജന്സി ലെയ്നുകളിലേക്ക് അതിക്രമിച്ച് കയറുന്ന വാഹനങ്ങളെ സിസ്റ്റം കണ്ടെത്തുന്നു. കുറഞ്ഞ ചിലവിലുള്ളതും ഉയര്ന്ന കാര്യക്ഷമതയുള്ളതുമായ ഈ പരിഹാരം സ്മാര്ട്ട് സിറ്റി ആപ്ലിക്കേഷനുകള്ക്കും ട്രാഫിക് അധികാരികള്ക്കും സര്ക്കാര് ഏജന്സികള്ക്കും അനുയോജ്യമാണെന്ന് വിദ്യാര്ഥികള് പറഞ്ഞു. അടിയന്തര സാഹചര്യങ്ങളില് പ്രതികരണ സമയം മെച്ചപ്പെടുത്താനും എമര്ജന്സി ലെയ്നുകള് തടസ്സമില്ലാതെ നിലനിര്ത്താനും അതുവഴി ജീവന് രക്ഷിക്കാനും ഈ സംവിധാനം സഹായിക്കും.
Related News
