ദമാം: ഇന്ഡോ സൗദി കള്ച്ചറല് അസോസിയേഷന്റെ നേതൃത്വത്തില് അന്താരാഷ്ട്ര യോഗ ദിനം വളരെ വിപുലമായി സെയ്ഹാത്ത് അല്ഹദിയ സ്പോര്ട്സ് ക്ലബ്ബില് (Al Hedaiah Sports Club, Saihat) വിപുലമായി ആഘോഷിച്ചു. ജനപങ്കാളിത്തം കൊണ്ടും കിഴക്കന് പ്രവിശ്യയിലെ സാമൂഹിക, സാംസ്ക്കാരിക നേതാക്കന്മാരുടെ സാന്നിധ്യം കൊണ്ടും യോഗാ ദിന ആഘോഷം ശ്രദ്ധേയമായി.
അറബ് യോഗാ ഫൗണ്ടേഷന് പ്രതിനിധി ഹവാ അല്ദാവൂദ് അധ്യക്ഷ ആയ പരിപാടിയില് ഇന്റര്നാഷണല് യോഗാ ഡേയുടെ ഉദ്ഘാടനം അല് മുന ഇന്റര്നാഷണല് സ്കൂള് ജനറല് മാനേജര് അബ്ദുള് ഖാദര് നിര്വഹിച്ചു. യോഗാ & വെല്നെസ്സ് ട്രെയ്നര് Shrutidhar സോണി കോമണ് യോഗാ പ്രോട്ടോക്കോളിന് നേതൃത്വം കൊടുത്തു. സ്വാഗത സംഘം ജനറല് സെക്രട്ടറി മോജിത് മോഹന് സ്വാഗതവും പ്രോഗ്രാം കോര്ഡിനേറ്റര് ജയകൃഷ്ണന് നന്ദി പ്രകാശനവും നടത്തി. തുടര്ന്ന് അല് Khozama ഇന്റര്നാഷണല് സ്കൂള് വൈസ് പ്രിന്സിപ്പല് അനൂപ്, സ്വാഗത സംഘം വൈസ് ചെയര്മാന് മെഹബൂബ്, റിയാസ് തുടങ്ങിവര് സംസാരിച്ചു.
തുടര്ന്ന് നടന്ന കുട്ടികളുടെയും മുതിര്ന്നവരുടെയും വിവിധതരം യോഗാ, കളരി, കരാട്ടെ, പിരമിഡ് ഫോര്മേഷന്, ഡ്രില് എന്നീ പ്രദര്ശനങ്ങള് പരിപാടിക്ക് മാറ്റു കൂട്ടി. സൗദി & ഇന്ത്യന് ദേശീയ ഗാനങ്ങളും ദേശഭക്തി ഗാനവും ആഘോഷങ്ങള്ക്ക് കൊഴുപ്പേകി. പരിപാടിയുടെ ഭാഗമായി കൊച്ചു കുട്ടി അദ്വൈദ നടത്തിയ സോളോ യോഗാ പ്രദര്ശനം കാണികളില് കൗതുകവും ആകാംക്ഷയും പടര്ത്തി. കിഴക്കന് പ്രവിശ്യയില് ഉള്ള വിദ്യാലയങ്ങളും, ഡാന്സ്, മ്യൂസിക്, കളരി ഇന്സ്റ്റിറ്റിയൂഷന് വിദ്യാര്ത്ഥികളും പങ്കെടുത്തു. ഇന്ഡോ സൗദി കള്ച്ചറല് അസോസിയേഷന് തുടര്ച്ച ആയ മൂന്നാം വര്ഷമാണ് ഇന്റര്നാഷണല് ഡേ ഓഫ് യോഗാ ആഘോഷിക്കുന്നത്.
Related News
