വാന്‍കുവര്‍: കാനഡയില്‍ ഇന്ത്യന്‍ വിദ്യാര്‍ഥിനിയെ മരിച്ച നിലയില്‍ കണ്ടെത്തി. വടക്ക് കിഴക്ക് ഡല്‍ഹിയിലെ വിജയ് പാര്‍ക്ക് സ്വദേശി റ്റാനിയ ത്യാഗിയാണ് (17) മരിച്ചത്. കാനഡയിലെ കല്‍ഗരി സര്‍വകലാശാല വിദ്യാര്‍ഥിയാണ് റ്റാനിയ. ഹൃദയാഘാതമാണ് മരണ കാരണമെന്ന് സംശയിക്കുന്നു.

മരണവാര്‍ത്ത വാന്‍കുവറിലെ ഇന്ത്യന്‍ കോണ്‍സുലേറ്റ് സ്ഥിരീകരിച്ചു. വിദ്യാര്‍ഥിയുടെ മരണത്തില്‍ അനുശോചനം രേഖപ്പെടുത്തിയ നയതന്ത്രാലയം കുടുംബത്തിന്റെ ദുഃഖത്തില്‍ പങ്കുചേരുന്നതായി എക്‌സില്‍ കുറിച്ചു. ഇതുമായി ബന്ധപ്പെട്ട എല്ലാ സഹായങ്ങളും കുടുംബത്തിന് ലഭ്യമാക്കുമെന്ന് നയതന്ത്രാലയ അധികൃതര്‍ അറിയിച്ചു.