റിയാദ്:കേരളത്തില് സമീപകാലത്ത് പിന്നോക്ക ന്യൂനപക്ഷ മേഖലയില് ദൃശ്യമായ ഉന്നത വിദ്യാഭ്യാസ രംഗത്തെ വളര്ച്ചക്ക് മുസ്ലീം ലീഗും അതിന്റെ പ്രവാസ ലോകത്തെ പോഷക ഘടകമായ കെഎംസിസിയും വഹിച്ച പങ്ക് മര്മ്മ പ്രധാനമാണെന്ന് മുസ്ലീം ലീഗ് എറണാകുളം ജില്ലാ ജനറല് സെക്രട്ടറി അഡ്വ വി ഇ അബ്ദുല് ഗഫൂര് അഭിപ്രായപ്പെട്ടു. സൗദി കെഎംസിസി റിയാദ് എറണാകുളം ജില്ലാ കമ്മിറ്റി എം എസ് എഫ് എറണാകുളം ജില്ലാ കമ്മിറ്റിയുടെ സഹകരണത്തോടെ
സംഘടിപ്പിച്ച വിദ്യാഭ്യാസ അവര്ഡ് വിതരണം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
പെരുമ്പാവൂര് മണ്ഡലം മുസ്ലിം ലീഗ് ഹൗസില് കെഎംസിസി എറണാകുളം ജില്ലാ ചെയര്മാന് ജലീല് കരിക്കനയുടെ അധ്യക്ഷതയില് നടന്ന ചടങ്ങില് മുസ്ലിം ലീഗ് ദേശീയ കൗണ്സിലര് എന് വി സി അഹമ്മദ് മുഖ്യപ്രഭാഷണം നിര്വഹിച്ചു. റിയാദ് എറണാകുളം ജില്ലാ കെഎംസിസി അംഗങ്ങളുടെ മക്കളില് നിന്ന് എംബിബിഎസ്, ബിടെക്, ഡിഗ്രി പ്ലസ്ടു, പത്താം ക്ലാസ് പരീക്ഷകളില് ഉന്നത വിജയം നേടിയ മുപ്പതോളം പ്രതിഭകള്ക്കാണ് പുരസ്കാരം നല്കിയത്.
എംബിബിഎസ് ബിരുദം നേടിയ ജില്ലാ കെഎംസിസി ട്രഷറര് കരീം കാനാമ്പുറത്തിന്റെ മകള് ഡോ ഫിസ കരീം, ബിടെക് ബിരുദം നേടിയ റിയാദ് കെഎംസിസി ജില്ലാ സെക്രട്ടറി ഹര്ഷദ് എറണാകുളത്തിന്റെ മകള് അംറീന് ഫാത്തിമ എന്നിവര് മെമന്റോയും മുസ്ലിം യൂത്ത് ലീഗ് സംസ്ഥാന പ്രവര്ത്തക സമിതി അംഗം ഷരീഫ് സാഗര് രചിച്ച ഷേറെ കേരള കെഎം സീതി സാഹിബ് ജീവചരിത്ര ഗ്രന്ഥവും അഡ്വ: അബ്ദുല് ഗഫൂറില് നിന്നും ഏറ്റുവാങ്ങി.
ഉന്നത പഠനത്തിനായി നാട്ടിലേക്ക് മടങ്ങിയ റിയാദ് കെഎംസിസി കുടുംബാംഗങ്ങളായ വിദ്യാര്ത്ഥി പ്രതിഭകള്ക്കാണ് നാട്ടില് അനുമോദന ചടങ്ങ് സംഘടിപ്പിച്ച തെന്നു റിയാദ് എറണാകുളം ജില്ലാ കെഎംസിസി പ്രസിഡണ്ട് ഉസ്മാന് പരീത് ചെമ്പറക്കി, ജനറല് സെക്രട്ടറി മുജീബ് മൂലയില് എഡ്യുക്കേഷണല് വിംഗ് കണ്വീനര്മാരായ തന്സീല് കോട്ടപ്പുറം, റഹീം ഹസ്സന്സഎന്നിവര് അറിയിച്ചു.
മുസ്ലീം ലീഗ് ജില്ലാ സെക്രട്ടറി സുബൈര് ഓണംപിള്ളി, എംഎസ്എഫ് ജില്ലാ പ്രസിഡണ്ട് റമീസ് മുതിരക്കാല, പെരുമ്പാവൂര് നിയോജക മണ്ഡലം മുസ്ലിം ലീഗ് പ്രസിഡണ്ട് അഷ്റഫ് എം എം, പെരുമ്പാവൂര് യുഡിഎഫ് ചെയര്മാന് ഷറഫുദ്ദീന്, മുസ്ലിംലീഗ് ജില്ലാ കൗണ്സിലംഗം സൈനുദ്ദീന്, കാസിം പെരുമ്പാവൂര്,
സൗദി കെഎംസിസി കിഴക്കന് പ്രവിശ്യാ മുന് സെക്രട്ടറി സിറാജ് ആലുവ, എം എസ് ഹാശിം ശ്രീമൂലനഗരം, ഷാനവാസ് ശ്രീഭൂതപുരം, സി ഒ.മുഹമ്മദ് നൊച്ചിമ
എന്നിവര് ആശംസകള് നേര്ന്നു. റിയാദ് കെഎംസിസി എറണാകുളം ജില്ലാ ട്രഷറര് കരീം കാനാമ്പുറം സ്വാഗതവും സെക്രട്ടറി അനസ് മരങ്ങാട്ട് നന്ദിയും പറഞ്ഞു
മൈതീന് ഹാജി മൂലയില് ഖിറാഅത്ത് നിര്വ്വഹിച്ചു.
റിയാദ് കെഎംസിസി ഭാരവാഹികളായ ഹര്ഷാദ് എറണാകുളം, പരീത് പാറക്കല്, സഹല് പെരുമ്പാവൂര്, മുഹമ്മദ് ഇബ്രാഹിം പല്ലാരിമംഗലം, ജില്ലാ എംഎസ്എഫ് ഭാരവാഹികളായ ഹാരിസ് വിഎം, അനസ് ചേരുംമൂടന്, മാഹിന് ഉമ്മര് എന്നിവര് അവാര്ഡ് ദാന ചടങ്ങിന് നേതൃത്വം നല്കി.
Related News
