റിയാദ് റിയാദിലെ കേരള എഞ്ചിനിയേഴ്സ് ഫോറം (KEFR) ഡിമോയിസ് ട്രെയിനിംഗ് ഇന്സ്റ്റിറ്റ്യൂട്ടില് 'എഞ്ചിനീയര്സ് ടു സെയില്സ് പ്രൊ' പരിപാടി സംഘടിപ്പിച്ചു. ടെക്നിക്കല് പ്രൊഫഷണലുകള്ക്ക് സെയില്സ് കഴിവുകള് വികസിപ്പിക്കാനായി ക്രമീകരിച്ച ഈ പരിശീലനം പരിപാടി ഏറെ ശ്രദ്ധേയമായി.
കെ.ഇ.എഫ്.ആര് സെക്രട്ടറി ഹഫീസ് ബിന് കാസിം ഉദ്ഘാടനം നിര്വഹിച്ചു. സര്ട്ടിഫൈഡ് പ്രോഫിറ്റ് സ്ട്രാറ്റജിസ്റ്റ് സുഹാസ് ചെപ്പാലി പരിശീലനം നയിച്ചു. 'സൈലന്റ് പിച്ച്' എന്ന ആശയം ഒരു റോള്പ്ലേ വഴി അവതരിപ്പിച്ചുകൊണ്ടാണ് അദ്ദേഹം സെഷന് ആരംഭിച്ചത്.
സെയില്സ് പരാജയങ്ങളുടെ കാരണങ്ങള്, പഴയ-പുതിയ സെയില്സ് രീതികളുടെ താരതമ്യം എന്നിവ സുഹാസ് വിശദീകരിച്ചു. പങ്കാളികള്ക്കായി ക്ലയന്റ് ഇന്ററാക്ഷന്, ഒബ്ജക്ഷന് ഹാന്ഡ്ലിംഗ് തുടങ്ങിയവയില് പ്രായോഗിക പരിശീലനം നല്കി.
പങ്കെടുത്ത അമീര് ഖാന് തന്റെ സ്വന്തം അനുഭവങ്ങള് പങ്കുവച്ചത് സെഷനെ കൂടുതല് സമ്പന്നമാക്കി. ടെക്നിക്കല് കണ്വീനര് സുബിന് റോഷന് നന്ദി പറഞ്ഞു.
Related News
