ജിദ്ദ: ജിദ്ദയിലെ പ്രമുഖ വെറ്ററന്സ് ഫുട്ബോള് ക്ലബ് ആയ ഹിലാല് എഫ്സിയുടെ കഴിഞ്ഞ സീസണിലെ വിജയാഘോഷവും ടീം അംഗങ്ങള്ക്കുള്ള സ്വീകരണ യോഗവും ഷറഫിയ ലക്കി ദര്ബാര് ഹോട്ടല് ഓഡിറ്റോറിയത്തില് നടന്നു. 2024 - 2025 സീസണില് ടീം പങ്കെടുത്ത എട്ട് ടൂര്ണമെന്റുകളില് അഞ്ചെണ്ണത്തിലും ഫൈനലിസ്റ്റുകള് ആവുകയും മൂന്ന് റണ്ണറപ്പും രണ്ട് ജേതാക്കളും ആയി ഈ സീസണിലെ ഏറ്റവും മികച്ച പ്രകടനമാണ് ടീം കാഴ്ച വെച്ചത്.
ബഷീര് വിപി യുടെ അധ്യക്ഷതയില് ചേര്ന്ന ചടങ്ങ് സൗദി ഇന്ത്യന് ഫുട്ബോള് ഫോറം വൈസ് പ്രസിഡന്റ് സലാം കാളികാവ് ഉദ്ഘാടനം ചെയ്തു. വെറ്ററന്സ് കളിക്കാരുടെ ആരോഗ്യ സംരക്ഷണത്തിന് ഊന്നല് നല്കിക്കൊണ്ട് നല്ലൊരു ഫുട്ബോള് സംസ്കാരം ജീവിതത്തില് പ്രാവര്ത്തികമാക്കി കൊണ്ട് വരുന്നതിനെ കുറിച്ച് വിശദമായി ഉല്ഘാടന പ്രസംഗത്തില് അദ്ദേഹം സൂചിപ്പിച്ചു. MFA ചീഫ് പാട്രന് ലത്തീഫ് എന് കോണ്ഫര്ട്ട്, ACC ജിദ്ദ പ്രസിഡന്റ് മുജീബ് വിപി, ക്ലബ് പ്രതിനിധികളായ ഷംസീര് മമ്പാട്, അനീസ്, ജംഷാദ്, മുന്സില്, ഹംസ, അഷ്റഫ്, ഹാരിസ് മമ്പാട്, റഷീദ് പാണ്ടിക്കാട് എന്നിവര് ആശംസകള് നേര്ന്നു സംസാരിച്ചു. സിഫ് വൈസ് ക്യാപ്റ്റന് ഖലീല് സ്വാഗതവും ടീം മാനേജര് മിഥ്ലാജ് നന്ദിയും പറഞ്ഞു.
