ദോഹ: ഖത്തറിലെ അല് ഉദൈദിലെ അമേരിക്കന് വ്യോമതാവളത്തിനു നേരെ ഇറാന് വ്യോമാക്രമണം നടത്തിയതായി റിപ്പോര്ട്ട്. മൂന്ന് മിസൈലുകള് ഉദൈദ് വ്യോമ താവളത്തില് പതിച്ചതായി അല്ജസീറ റിപ്പോര്ട്ട് ചെയ്തു. ഖത്തര് സമയം തിങ്കളാഴ്ച രാത്രി 7.30ഓടെ ബാലിസ്റ്റിക് മിസൈലുകള് അയച്ചായിരുന്നു ഇറാന്റെ ആക്രമണം. 'ബശാഇര് അല് ഫതഹ്' എന്ന് പേരിട്ടാണ് അമേരിക്കന് വ്യോമതാവളത്തിനു നേരെ രാത്രിയോടെ ആക്രമണം ആരംഭിച്ചത്.
നേരത്തെ തന്നെ ആക്രമണം നടക്കുമെന്ന സൂചനയെ തുടര്ന്ന് അന്താരാഷ്ട്ര വ്യോമ പാത ഖത്തര് അടച്ചിരുന്നു. ഹമദ് അന്താരാഷ്ട്ര വിമാനത്താളവളത്തിലേക്കുള്ള മുഴുവന് വിമാന സര്വീസുകളെയും, ഖത്തര് വ്യോമപരിതി ഉപയോഗപ്പെടുത്തുന്ന മറ്റു വിമാനങ്ങളെയും ഇത് ബാധിക്കും. നിലവില് ഖത്തറിലേക്ക് പുറപ്പെട്ട വിമാനങ്ങള് മറ്റു വിമാനതാവളങ്ങളിലേക്ക് വഴി തിരിച്ചു വിടാന് നിര്ദേശം നല്കിയതായും എയര്ലൈന് അധികൃതര് അറിയിച്ചു.
Related News
