തിരുവനന്തപുരം: ഇറാന്-ഇസ്രായേല് യുദ്ധത്തെത്തുടര്ന്ന ഇറാന് ഖത്തറിലെ അമേരിക്കന് വ്യോമത്താളത്തിനുനേരെ ആക്രമണം നടത്തിയ പശ്ചാത്തലത്തില് തിരുവനന്തപുരം, കൊച്ചി വിമാനത്താവളങ്ങൡനിന്നുള്ള ഒട്ടേറെ വിമാനങ്ങള് റദ്ദാക്കി. തിരുവനന്തപുരത്തുനിന്നുള്ള എയര് ഇന്ത്യ എക്സ്പ്രസിന്റെ മസ്കത്ത്, ഷാര്ജ, അബുദാബി, ദമാം, ദുബായ് എന്നിവിടങ്ങളിലേക്കുള്ള വിമാനങ്ങള് റദ്ദാക്കി. ഖത്തര് എയര്വേയ്സിന്റെ ദോഹയിലേക്കുള്ള വിമാനവും കുവൈത്ത് എയര്ലൈന്സിന്റെ കുവൈത്തിലേക്കുള്ള വിമാനവും ഇന്ഡിഗോയുടെ ഷാര്ജയിലേക്കുള്ള വിമാനവും റദ്ദാക്കിയവയില് ഉള്പ്പെടും. നിരവധി യാത്രക്കാര് ഹോട്ടലുകളിലും വിമാനത്താവളങ്ങളിലുമായി കുടുങ്ങിക്കിടക്കുകയാണ്.
കൊച്ചി വിമാനത്താവളത്തില്നിന്നുള്ള വിമാനങ്ങള് വൈകുമെന്നും ചിലത് വഴിതിരിച്ചുവിടുകയോ റദ്ദാക്കുകയോ ചെയ്തെന്നും കൊച്ചി വിമാനത്താവള അധികൃതരും അറിയിച്ചു. വിമാനങ്ങളുടെ തല്സ്ഥിതി മനസ്സിലാക്കാന് വിമാനക്കമ്പനികളുടെ സൈറ്റുകള് പരിശോധിക്കുകയും വിമാനക്കമ്പനികളുടെ എസ്എംഎസും ഇമെയിലും പരിശോധിച്ച് സാഹചര്യത്തെ വിലയിരുത്തണമെന്നും വിമാനത്താവള അധികൃതര് അഭ്യര്ഥിച്ചു. കൊച്ചി ദോഹ എയര് ഇന്ത്യ വിമാനം, കൊച്ചി ദുബായ് ഫ്ലൈറ്റ് ജെറ്റ്, അബുദാബിയിലേക്കുള്ള ഇന്ഡികോ, റാസര്ഖൈമയിലേക്കുള്ള ഇന്ഡിഗോ, മസ്കത്തിലേക്കും, തിരിച്ചുമുള്ള ഇന്ഡിഗോ, ബഹ്റൈന് ഇന്ഡിഗോ, ദുബായില്നിന്നുള്ള സ്പൈസ് ജെറ്റ്, അബുദബായില്നിന്നുള്ള ഇന്ഡിഗോ, ദുബായിലേക്കുള്ള എയര് ഇന്ത്യ, കുവൈത്തില്നിന്നുള്ള എയര് ഇന്ത്യ എക്സ്പ്രസ്, മസ്കത്തിലേക്കുള്ള എയര് ഇന്ത്യ എക്സ്പ്രസ്, ദോഹ-കൊച്ചി എയര് ഇന്ത്യ, ദോഹ എയര് ഇന്ത്യ എക്സ്പ്രസ്, മസ്കത്തില്നിന്നും, കുവൈത്തില്നിന്നുമുള്ള എയര് ഇന്ത്യ എക്സ്പ്രസ് എന്നീ വിമാനങ്ങളാണ് കൊച്ചില്നിന്നു റദ്ദാക്കിയത്. കോഴിക്കോട്, കണ്ണൂര് വിമാനത്താവളങ്ങളിലേക്കുള്ള സര്വീസുകളും തടസപ്പെട്ടിട്ടുണ്ട്.
Related News
