റിയാദ്: നിലമ്പൂര് ഉപതിരഞ്ഞെടുപ്പില് യുഡിഎഫ് സ്ഥാനാര്ത്ഥി ആര്യാടന് ഷൗക്കത്തിന്റെ വിജയ തിളക്കം പിണറായി സര്ക്കാറിന്റെ ദുര്ഭരണത്തിനും, വര്ഗീയ ധ്രുവീകരണത്തിനും ജനങ്ങള് നല്കിയ തിരിച്ചടിയെന്ന് റിയാദ് ഒഐസിസി. മണ്ഡലത്തില് ഭരണ നേട്ടങ്ങള് ഒന്നും പറയാന് ഇല്ലാത്തത് കൊണ്ട് ആദ്യം മുതല് അവസാനം വരെ ബുദ്ധിജീവികള് എന്ന് സ്വയം വിശേഷിപ്പിക്കുന്ന ചില സാംസ്കാരിക പ്രവര്ത്തകരായ സൈബര് പോരാളികളും ഇടതുപക്ഷ നേതാക്കളും ദിവസങ്ങളോളം വര്ഗീയ ധ്രുവീകരണങ്ങള് നടത്തിയിട്ടും മതേതര ജനത യുഡിഎഫിന് നല്കിയ സ്വീകാര്യതയാണ് ഈ തിളക്കമാര്ന്ന വിജയമെന്നും, അതോടൊപ്പം എല്ഡിഎഫിന്റെ ഈ പരാജയം വരാനിരിക്കുന്ന നിയമാസഭാ തിരഞ്ഞെടുപ്പിലേക്കുള്ള ടെസ്റ്റ് ഡോസ് മാത്രമാണന്നും റിയാദ് ഒഐസിസി.
ആര്യാടന് ഷൗക്കത്തിന്റെ വിജയത്തിനായി ഒഐസിസി റിയാദ് സെന്ട്രല് കമ്മിറ്റി പ്രസിഡന്റ് സലീം കളക്കരയുടെ നേതൃത്വത്തില് റിയാദിലെ പ്രധാന ഭാരവാഹികളടക്കം ആഴ്ചകളോളം മണ്ഡലത്തിലുടനീളം സ്ഥാനാര്ത്ഥിയുടെ വിജയത്തിനായി വിവിധ കണ്വെന്ഷനുകളും, ഭവന സന്ദര്ശനങ്ങള് നടത്തിയും ചിട്ടയോടെയുള്ള പ്രവര്ത്തനം നടത്തിയിരുന്നു. അതുകൊണ്ട് യുഡിഎഫ് നേതാക്കളും പ്രവര്ത്തകരും ഒറ്റക്കെട്ടായി മുന്നോട്ട് പോയാല് വരാനിരിക്കുന്ന ത്രിതല പഞ്ചായത്തുകളിലേക്കും, 2026 ലെ നിയമസഭാ തിരഞ്ഞെടുപ്പുകളിലും യുഡിഎഫിന് ചരിത്ര വിജയം ഉണ്ടാക്കാന് സാധിക്കുമെന്നും റിയാദ് ഒഐസിസി വാര്ത്താകുറിപ്പില് അറിയിച്ചു.
Related News
