ജിദ്ദ: തിരുവിതാംകൂര്‍ പ്രദേശത്തിന്റെ ഭാഗമായിരുന്ന സ്ഥലങ്ങളായ കന്യാകുമാരി, തിരുവനന്തപുരം, കൊല്ലം, ആലപ്പുഴ എറണാകുളം, കോട്ടയം, ഇടുക്കി, പത്തനംതിട്ട എന്നീ ജില്ലകളില്‍ നിന്നുള്ളവരുടെ ജിദ്ദ പ്രവാസി കൂട്ടായ്മയായ ജെ.ടി.എ അംഗത്വ കാമ്പയിന്‍ ആരംഭിച്ചു. ജെ.ടി എ യിലെ അംഗങ്ങളുടെ കലാസാഹിത്യ സാംസ്‌കാരിക സര്‍ഗ്ഗവാസനകളെ പരിപോഷിപ്പിക്കുക, അവ അവതരിപ്പിക്കുന്നതിനുള്ള അവസരങ്ങള്‍ സൃഷ്ടിക്കുക, ജീവകാരുണ്യ പ്രവര്‍ത്തനങ്ങളില്‍ പങ്കാളികളാക്കുക എന്നീ ലക്ഷ്യങ്ങളില്‍ സംഘടന വളരെയധികം മുന്നോട്ടു പോയിട്ടുണ്ടെന്ന് ഭാരവാഹികള്‍ അറിയിച്ചു.

സംഘടനയില്‍ അംഗത്വം ആഗ്രഹിക്കുന്നവര്‍ ജെ ടി എ പ്രസിഡണ്ട് അലി തേക്കുതോട് ( 055 505 6835 ), ഓര്‍ഗനൈസിംഗ് സെക്രട്ടറി റഷീദ് ഓയൂര്‍ (056 281 6604) എന്നിവരെ ബന്ധപ്പെടാവുന്നതാണ്.