ജിദ്ദ- ജിദ്ദയില് അഡ്വാന്സ്ഡ് മീഡിയ സംഘടിപ്പിച്ച സംഗീത പരിപാടി അവിസ്മരണീയമായി. ഷറഫിയ ചെന്നൈ എക്സ്പ്രസ് ഓഡിറ്റോറിയത്തില് ഒരുക്കിയ സംഗീത വിരുന്ന് രാഗലയം-2 പ്രശസ്ത സാമൂഹിക പ്രവര്ത്തകന് വാസു വെള്ളത്തേടത്ത് ഉദ്ഘാടനം ചെയ്തു.
പ്രശസ്ത ഗായകരായ സിക്കന്ദര് അലി, ലത്തീഫ് ബാബു, നാസര് മോങ്ങം, ആയിഷ നാസര്, റൈസ, ഷമീം ശ്രീലങ്ക, ഫസായിര് ശ്രീലങ്ക, അംജദ് ഖാന്, ഖമറുദ്ദീന് ലുലു എന്നിവരുടെ ഗാനങ്ങള് സദസ്സിനെ ആവേശത്തിലാക്കി. സിക്കന്ദര് ആലപിച്ച മേരാ മെഹ്ബൂബ്.. വീണ്ടും പാടാന് ആസ്വാദകര് ആവശ്യപ്പെട്ടു.
നൗഷാദ് ചാത്തല്ലൂര് സ്വാഗതം പറഞ്ഞു. മീഡിയ ഡയറക്ടര് അഷ്റഫ് അഴീക്കോട് മീഡിയ നിയന്ത്രിച്ചു. ഗഫൂര് കൊണ്ടോട്ടി കോര്ഡിനറ്ററായിരുന്നു. ജാഫറലി പാലക്കോട്, ബശീര് അലി പരുത്തിക്കുന്നന് തുടങ്ങിയവര് ആശംസ നേര്ന്നു. ഇത്തരം പരിപാടികള് പ്രവാസ ജീവിതത്തില് കുളിര് മഴയാണെന്ന് തമിഴ് മണ്ഡലം പ്രസിഡണ്ട് ഖാജ അഭിപ്രായപ്പെട്ടു.
അഡ്വാന്സ്ഡ് മീഡിയ സംഗീതത്തിന് മുന്തൂക്കം നല്കി സംഘടിപ്പിക്കുന്ന പ്രതിമാസ പരിപാടികള്ക്ക സി.എച്ച്. ബശീര്, അശ്റഫ് കാലിക്കറ്റ്, സുബൈര് ആലുവ തുടങ്ങിയവര് എല്ലാ വിധ പിന്തുണയും അറിയിച്ചു. സംഗീതത്തിന്റെ മാന്ത്രികതയിലൂടെ പ്രേക്ഷകരെ നോസ്റ്റാള്ജിക് യാത്രയിലേക്ക് കൊണ്ടുപോകുന്നതായിരുന്നു വിവിധ ഭാഷകളിലുള്ള ഗാനങ്ങള്.
90-കളിലെയും 2000-കളിലെയും ഗാനങ്ങള് പ്രേക്ഷകരെ യൗവനത്തിന്റെ സുവര്ണകാലത്തേക്ക് തിരികെ കൊണ്ടുപോയി. ഓരോ ഗാനത്തിനൊപ്പവും കാണികള് ഒരുമിച്ച് പാടി. സ്റ്റേജിന്റെ വെളിച്ചവും ശബ്ദവ്യവസ്ഥയുടെ മികവും ആസ്വാദകരുടെ അനുഭവം മികിച്ചതാക്കി. വര്ണാഭമായ LED പശ്ചാത്തലം അഡ്വാന്സ്ഡ് മീഡിയയുടെ സവിശേഷതയാണ്. എല്ലാ വിധ പരിപാടികളും നടത്താന് തങ്ങള് സജ്ജമാണെന്നും 0562634824 എന്ന നമ്പറില് ബന്ധപ്പെടാമെന്നും മീഡിയ കണ്വീനര് അഷ്റഫ് അഴീക്കോട് അറിയിച്ചു.
Related News
