ന്യൂഡല്ഹി: പശ്ചിമേഷ്യന് വ്യോമപാതകള് തുറന്ന സാഹചര്യത്തില് തങ്ങളുടെ മിക്ക സര്വിസുകളും ഇന്നു (ജൂണ് 25) മുതല് പുനരാരംഭിക്കുമെന്ന് എയര് ഇന്ത്യ അറിയിച്ചു. നേരത്തേ റദ്ദാക്കിയ, യൂറോപ്പിലേക്ക് പോകുന്നതും വരുന്നതുമായ വിമാനങ്ങളും സര്വിസ് തുടങ്ങി. യു.എസിന്റെ കിഴക്കന് തീരത്തേക്കും കാനഡയിലേക്കുമുള്ള സര്വിസുകളും ഉടന് തുടങ്ങും.
പശ്ചിമേഷ്യന് സംഘര്ഷം മുന്നിര്ത്തി ഇക്കഴിഞ്ഞ തിങ്കളാഴ്ചയാണ് എയര് ഇന്ത്യ താല്ക്കാലികമായി ഈ മേഖലകളിലേക്ക് സര്വിസ് റദ്ദാക്കിയത്. പശ്ചി മേഷ്യയിലെ സാഹചര്യം പരിഗണിച്ച് ഈ മേഖലയിലേക്കുള്ള സര്വിസുകള് ക്രമീകരിക്കേണ്ടിവരും എന്നതാണ് പൊതുവില് വിമാനക്കമ്പനികള് സ്വീകരിക്കുന്ന നിലപാട്. സര്വീസുകള് പഴയ നിലയിലേക്കു മടങ്ങാന് തുടങ്ങിയതോടെ വിമാനത്താവളങ്ങളില് നല്ല തിരക്കാണ് അനുഭവപ്പെടുന്നത്. പെട്ടെന്നുള്ള സര്വീസ് റദ്ദാക്കലിനെത്തുടര്ന്ന് നിരവധി പേര് വിമാനത്താവളങ്ങളിലും ഹോട്ടലുകളിലും കുടുങ്ങിക്കിടക്കുന്നുണ്ട്.
Related News
