ദമ്മാം: മലബാര് ഹെറിറ്റേജ് കൗണ്സില്ആന്ഡ് കള്ച്ചറല് സ്റ്റഡീസ് ദമ്മാം ചാപ്റ്ററിന്റെ ആഭിമുഖ്യത്തില് സംഘടിപ്പിക്കുന്ന പുസ്തക പ്രകാശനത്തിന് വിപുലമായ സ്വാഗത സംഘം രൂപീകരിച്ചു. മലബാര് ഹെറിറ്റേജ് എക്സിക്യൂട്ടീവ് അംഗം ആലിക്കുട്ടി ഒളവട്ടൂരിന്റെ അധ്യക്ഷതയില് ചേര്ന്ന സംഘാടക സമിതി രൂപീകരണയോഗം കെ.എം.സി.സി ഈസ്റ്റേണ് പ്രൊവിന്സ് വൈസ് പ്രസിഡന്റ് ഖാദര് മാസ്റ്റര് വാണിയമ്പലം ഉദ്ഘാടനം ചെയ്തു.
ഡെസ്റ്റിനി ബുക്സ് കോഴിക്കോട് പ്രസിദ്ധീകരിക്കുന്ന മാലിക് മഖ്ബൂല് ആലുങ്ങല് എഡിറ്റ് ചെയ്ത 'തമസ്കൃതരുടെ സ്മാരകം' എന്ന പുസ്തകത്തിന്റെ പ്രകാശനം ജൂലൈ മൂന്ന് വ്യാഴം വൈകിട്ട് എട്ട് മണിക്ക് ദമ്മാം റോസ് ഗാര്ഡന് ഓഡിറ്റോറിയത്തില് വെച്ച് സാംസ്കാരിക, സാമൂഹിക, രാഷ്ട്രീയ മേഖലയിലെ പ്രമുഖരുടെ സാന്നിധ്യത്തില് നിര്വ്വഹിക്കും.
ആലിക്കുട്ടി ഒളവട്ടൂര് ചെയര്മാനും ഒ.പി ഹബീബ് ജനറല് കണ്വീനറും ഖാദര് മാസ്റ്റര് ചീഫ് കോഡിനേറ്ററുമായി വിപുലമായ സ്വാഗതസംഘമാണ് രൂപീകരിച്ചത്.
രക്ഷാധികാരികള്: മുഹമ്മദ് കുട്ടി കോഡൂര്, ഉമ്മര് വളപ്പില്.
സൈനുല് ആബിദീന് കുമളി, ടി ടി കരീം വേങ്ങര, ഫൈസല് കൊടുമ, അസ്ലം കോളകോടന്, ബഷീര് ആലുങ്ങല് ഷാനി പയ്യോളി, ഷബീര് തേഞ്ഞിപ്പലം. കലാം മീഞ്ചന്ത, സലാഹുദ്ധീന് വേങ്ങര, മുഹമ്മദ് കരിങ്കപ്പാറ എന്നിവര് സംസാരിച്ചു. മലബാര് ഹെറിറ്റേജ് എക്സിക്യൂട്ടീവ് അംഗം ഒപി ഹബീബ് സ്വാഗതവും അലി ഭായ് ഊരകം നന്ദിയും പറഞ്ഞു.
Related News
