മക്ക: കേരളത്തില്‍നിന്ന് ഹജ് നിര്‍വഹിക്കാനെത്തിയ മൂന്ന ഹാജിമാര്‍ മരണമടഞ്ഞു. ഒരാള്‍ മദീനയില്‍ നമസ്‌കരിച്ചുകൊണ്ടിരുന്നപ്പോള്‍ കുഴഞ്ഞു വീണും മറ്റു രണ്ടുപേര്‍ മക്കയിലുമാണ് മരിച്ചത്. മലപ്പുറം കൂട്ടിലങ്ങാടി വാഴക്കാട്ടേരി അലവിക്കുട്ടി(58)യാണ് മദീനയില്‍ മരിച്ചത്. തിരുവനന്തപുരം പുതുശ്ശേരി മുക്ക് ഹാഷിംസില്‍ മുഹമ്മദ് കുഞ്ഞ് എന്ന ബുഹാരി (70) കാസര്‍കോട് ആലമ്പാടി റഷീദ് മന്‍സിലില്‍ സുബൈര്‍ അബ്്ദുല്ല (50) എന്നിവര്‍ മക്കയിലുമാണ് മരിച്ചത്.

വാഴക്കാട്ടേരി മൊയ്തീന്‍ കുട്ടി-കുഞ്ഞാച്ചുമ്മ ദമ്പതികളുടെ മകനാണ് അലവികുട്ടി. ഭാര്യ സക്കീനക്ക് ഒപ്പമാണ് ഹജ് നിര്‍വഹിക്കാന്‍ എത്തിയിരുന്നത്. സംസ്ഥാന ഹജ് കമ്മിറ്റി വഴിയാണ് ഹജിനെത്തിയത്.

കിംഗ് അബ്ദുല്ല ആശുപത്രിയിലായിരുന്നു ബുഹാരിയുടെ മരണം. ഭാര്യ ശംസാദ് ബീഗത്തോടൊപ്പമാണ് ഹജ് നിര്‍വഹിക്കാനെത്തിയത്. പ്രമുഖ ഗസല്‍ ഗായിക ഇംതിയാസ് ബീഗത്തിന്റെ പിതാവാണ് ബുഹാരി. അബ്ദുല്ല ഹാജി ബീപാത്തുമ്മ ദമ്പതികളുടെ മകനാണ് മരണടഞ്ഞ സുബൈര്‍ അബ്ദുല്ല. ഭാര്യ ഫമീദ.

ഫോട്ടോ: മരണമടഞ്ഞ അലവിക്കുട്ടി, സുബൈര്‍ അബ്ദുല്ല, ബുഹാരി.