റിയാദ്: അമേരിക്കന് സാമ്രാജ്യത്വത്തിന്റെ വ്യാപാര താല്പര്യങ്ങളാണ് ലോകത്ത് സമാധാനമില്ലാതാക്കുന്നതെന്ന് സിപിഐ സംസ്ഥാന എക്സിക്യൂട്ടീവ് അംഗം സത്യന് മൊകേരി അഭിപ്രായപ്പെട്ടു. ആയുധ വില്പനയിലൂടെയുള്ള ലാഭമാണ് എല്ലാവിധ യുദ്ധങ്ങളുടെയും പിന്നില്. 2024 ലെ ലോകത്തിലെ അതിസമ്പന്നന്മാരുടെ സമ്പത്ത് തൊട്ടുമുമ്പത്തെ വര്ഷത്തേക്കാള് മൂന്ന് ഇരട്ടയായി വളര്ന്നു എന്നും അദ്ദേഹം ചൂണ്ടിക്കാട്ടി.
ന്യൂ എയ്ജ് ഇന്ത്യ സാംസ്കാരികവേദി റിയാദില് സംഘടിപ്പിച്ച സൗഹൃദസന്ധ്യ എന്ന പരിപാടി ഉത്ഘാടനം ചെയ്ത് സംസാരിക്കുകയായിരുന്നു അദ്ദേഹം. വിനോദ് കൃഷ്ണ അധ്യക്ഷത വഹിച്ചു. പ്രശസ്ത എഴുത്തുകാരനും, കലാ കുവൈറ്റ് ഈ വര്ഷം ഏര്പ്പെടുത്തിയ എം. ടി. സാഹിത്യ പുരസ്കാര് ജേതാവുമായ ജോസഫ് അതിരുങ്കലിനെ ആദരിച്ചു. സുരേന്ദ്രന് കൂട്ടായി (കേളി), സലിം കൊളക്കറ (OICC), സുധീര് കുമ്മിള് (നവോദയ), ശിഹാബ് കൊട്ടുകാട്, ജയന് കൊടുങ്ങല്ലൂര് (മീഡിയ ഫോറം), നിബു വര്ഗീസ് (റിഫ), സബീന എം സാലി (യുവകലാ സാഹിതി), റഹ്മാന് മുനമ്പത്ത് (ഫോര്ക), നൗഷാദ് (സിറ്റി ഫ്ലവര് ), മുഹമ്മദ് ഖാന് (എന്.എം.സി.ഇ. ലോജിസ്റ്റിക്) എന്നിവര് ആശംസകള് നേര്ന്നു.
ഷാജഹാന് കായംകുളം സ്വാഗതവും,നൗഷാദ് അബ്ദുല്ല നന്ദിയും പറഞ്ഞു. എം സാലി ആലുവ, ഷാനവാസ്, ഷുഹൈബ് സലിം, അബൂബക്കര് പൊന്നാനി, രാഹുല് എ. എസ്. ജോഷി സി. പി, സമീര് പരപ്പനങ്ങാടി എന്നിവര് സമ്മേളനം നിയന്ത്രിച്ചു.
Related News
