അല്ഖോബാര് : പ്രവാസി വെല്ഫെയര് സൗദി അറേബ്യ അല്ഖോബാര് റീജിയണല് ഘടകം 'അക്കാദമിക് എക്സലന്സ് അവാര്ഡ് 2025' നല്കി വിദ്യാര്ത്ഥികളെ ആദരിച്ചു. ഇക്കഴിഞ്ഞ പത്താം ക്ലാസ് പ്ലസ് ടു പരീക്ഷകളില് മികച്ച വിജയം നേടിയ വിദ്യാര്ത്ഥികളെയാണ് അനുമോദിച്ചത്. റീജിയണല് പ്രസിഡന്റ് ഖലീലുല് റഹ്മാന് അന്നട്ക്ക അധ്യക്ഷത വഹിച്ചു. റാക അല് കൊദാരികോണ്ഫറന്സ് ഹാളില് നടന്ന പരിപാടി പ്രവിശ്യാ പ്രസിഡന്റ് അബ്ദുല് റഹീം തിരൂര്ക്കാട് ഉദ്ഘാടനം ചെയ്തു. പ്രകൃതി കഴിഞ്ഞാല് നാം അറിഞ്ഞും അറിയാതെയും ജീവിതം ക്രമീകരിക്കുന്നതില് രാഷ്ട്രീയം വഹിക്കുന്ന പങ്കിനെപ്പറ്റി അദ്ദേഹം വിശദീകരിച്ചു. രാഷ്ട്രീയത്തെ നാം എങ്ങനെ ഉപയോഗപ്പെടുത്തണമെന്നും അതില് ഇടപെടലുകള് നടത്തേണ്ടതിന്റെയും, സാമൂഹ്യ ജീവിതത്തില് അതിന്റെ പ്രാധാന്യത്തെക്കുറിച്ചും അദ്ദേഹം സദസ്സിനെ ഉണര്ത്തി.
പ്രശസ്ത മോട്ടിവേഷന് സ്പീക്കര് റഷീദ് ഉമര് സദസ്സിനോട് സംവദിച്ചു. കുട്ടികള്ക്കുള്ള ഉപഹാരങ്ങള് അബ്ദുല് റഹീം, ഖലീലുറഹ്മാന്, റഷീദ് ഉമര്, അഷറഫ് പി ടി,ഷജീര് തൂണേരി , മുഹമ്മദ് ഹാരിസ് , ഷനോജ് , സിറാജ് തലശ്ശേരി , ആരിഫാ ബക്കര് എന്നിവര് കൈമാറി. റിദുവ റഹീം ഗാനം ആലപിച്ചു.
പ്രോഗ്രാം കമ്മിറ്റി ചെയര്മാന് പി.ടി അഷറഫ് സ്വാഗതവും റീജിയണല് കമ്മിറ്റി ട്രഷറര് ഷജീര് തൂണേരി നന്ദിയും പറഞ്ഞു. ചടങ്ങില് ആരിഫ് അലി അവതാരകനായിരുന്നു. നുഅമാന്, കുഞ്ഞു മുഹമ്മദ്, താഹിറ, ഹാരിസ്, ഹഫ്സല്, ഫൗസിയ, തുടങ്ങിയര് നേതൃത്വം നല്കി.
Related News
