ജിദ്ദ: വിശുദ്ധ ഹജ്ജ് കർമ്മത്തിനായി എത്തിയ സമസ്ത കേരള ജംഇയ്യത്തുൽ ഉലമ വൈസ് പ്രസിഡന്റ് സയ്യിദ് അലി ബാഫഖി തങ്ങൾക്ക് ഐ സി എഫ് ജിദ്ദയുടെ നേതൃത്വത്തിൽ സ്വീകരണം നൽകി. '100 പ്രകാശ വർഷങ്ങൾ' എന്ന പേരിൽ മൂന്ന് വർഷമായി നടന്നുവരുന്ന സമസ്ത സെന്റനറിയുടെ ഭാഗമായി സംഘടിപ്പിച്ച സമസ്ത കേരള ജംഇയ്യത്തുൽ ഉലമയുടെ നൂറാം സ്ഥാപക ദിന സംഗമത്തോടനുബന്ധിച്ചായിരുന്നു പരിപാടി. സമസ്തയുടെ നേതൃനിരയിൽ ദീർഘകാലമായി പ്രവർത്തിക്കുന്ന സയ്യിദ് അലി ബാഫഖി തങ്ങൾ ഐ.സി.എഫ് ജിദ്ദയുടെ ആദരം ഏറ്റുവാങ്ങി.

ഐ.സി.എഫ് ജിദ്ദ റീജണൽ ജനറൽ സെക്രട്ടറി സയ്യിദ് സൈനുൽ ആബിദീൻ തങ്ങൾ അധ്യക്ഷതയിൽ നടന്ന ചടങ്ങ് അബ്ദുൽ ഗഫൂർ മുസ്ല്യാർ ഉദ്ഘാടനം ചെയ്തു. ഖാസിം സഖാഫി, ഹസൻ സഖാഫി തൃക്കരിപ്പൂർ, യഹ്യ ഖലീൽ നൂറാനി, ഗഫൂർ പുളിക്കൽ എന്നിവർ പങ്കെടുത്തു. പ്രവാസി വായന കാമ്പയിനിൽ മികച്ച പ്രകടനം കാഴ്ചവെച്ച സനാബീൽ യൂണിറ്റിനും സാന്ത്വന പ്രവർത്തനങ്ങളിൽ ഗണ്യമായ സംഭാവനകൾ നൽകിയ ഹയ്യ നഹ്ദ, മുഷ്രീഫ നോർത്ത്, ഹയ്യ റൗള യൂണിറ്റുകൾക്കും ബാഫഖി തങ്ങൾ മെമന്റോകൾ സമ്മാനിച്ചു. ഐ.സി.എഫ് ജിദ്ദ ഹാർമണി ആൻഡ് എമിനൻസ് സെക്രട്ടറി യാസർ എ.ആർ. നഗർ സ്വാഗതവും മീഡിയ & പി ആർ സെക്രട്ടറി റഷീദ് പന്തല്ലൂർ നന്ദിയും പറഞ്ഞു.