ജിദ്ദ- നിയമം ലം ഘിച്ച് പായുന്ന മോട്ടോര്‍ സൈക്കിളുകള്‍ക്ക് കടിഞ്ഞാണിടാന്‍ രാജ്യത്തിന്റെ വിവിധ ഭാഗങ്ങളിലെ ട്രാഫിക് വകുപ്പുകള്‍ നടത്തിയ റെയ്ഡുകളില്‍ പിടികൂടിയത് 5,598 മോട്ടോര്‍ സൈക്കിളുകള്‍. 2025 ജൂണ്‍ 22 ഞായറാഴ്ച മുതല്‍ ജൂണ്‍ 28 ശനിയാഴ്ച വരെ നടത്തിയ ഊര്‍ജ്ജിതമായ പരിശോധനകളിലാണ് ഇത്രയധികം ഇരുചക്രവാഹനങ്ങള്‍ കസ്റ്റഡിയിലായത്.

ഏറ്റവും കൂടുതല്‍ വാഹനങ്ങള്‍ പിടിച്ചെടുത്തത് റിയാദ് മേഖലയിലാണ് (3,366 എണ്ണം). തൊട്ടുപിന്നാലെ ജിദ്ദ ഗവര്‍ണറേറ്റ് 745 മോട്ടോര്‍ സൈക്കിളുകളുമായി രണ്ടാം സ്ഥാനത്തും, മദീന മേഖല 654 എണ്ണവുമായി മൂന്നാം സ്ഥാനത്തുമെത്തി. മറ്റ് പ്രദേശങ്ങളിലെ കണക്കുകള്‍ ഇപ്രകാരമാണ്: മക്കയില്‍ 413, കിഴക്കന്‍ പ്രവിശ്യയില്‍ 97, അസീറില്‍ 86, തായ്ഫ് ഗവര്‍ണറേറ്റില്‍ 81.

റോഡ് സുരക്ഷ വര്‍ദ്ധിപ്പിക്കുന്നതിനും മോട്ടോര്‍ സൈക്കിളുകളുടെ നിയമവിരുദ്ധമായ ഉപയോഗംമൂലമുണ്ടാകുന്ന ട്രാഫിക് ലംഘനങ്ങള്‍ കുറയ്ക്കുന്നതിനും ലക്ഷ്യമിട്ടുള്ള ട്രാഫിക് വകുപ്പിന്റെ നിരന്തരമായ ശ്രമങ്ങളുടെ ഭാഗമായാണ് ഈ റെയ്ഡുകള്‍ നടന്നത്.